Միշուստինի մամուլի խոսնակը պատմել է նրա ինքնազգացողության մասին
Ռուսաստանի վարչապետ Միխայիլ Միշուստինը, ով վարակվել էր կորոնավիրուսով, ընդհանուր առմամբ իրեն լավ է զգում, նրա բուժումն ընթանում է պլանային կերպով: Այս մասին երեքշաբթի հայտարարել է ՌԴ կաբինետի ղեկավարի մամուլի խոսնակ Բորիս Բելյակովը, փոխանցում է ՏԱՍՍ-ը:
«Միխայիլ Վլադիմիրովիչը շարունակում է մնալ պետական բժշկական հաստատություններից մեկում` բժիշկների հսկողության ներքո,- ասել է Բելյակովը: - Ինքնազգացողությունը շարունակում է նորմալ մնալ: Բուժումն ընթանում է պլանային կերպով` Առողջապահության նախարարության կողմից պացիենտներին այս հիվանդության բուժման համար առաջարկվող դեղամիջոցների կիրառմամբ»: «Վարչապետը հեռախոսով ակտիվ շփվում է գործընկերների հետ»,- հավելել է խոսնակը:
Ապրիլի 30-ին Ռուսաստանի նախագահ Վլադիմիր Պուտինի հետ տեսակոնֆերանսի ընթացքում Միշուստինը հայտարարել էր, որ վարակվել է կորոնավիրուսով: ՌԴ վարչապետը շեշտել էր, որ, «Ռոսպոտրեբնադզոր»-ի պահանջներին համապատասխան, նա պետք է ինքնամեկուսացվի եւ հետեւի բժիշկների ցուցումներին: Պուտինը Միշուստինին շուտափույթ ապաքինում էր մաղթել եւ խնդրել էր վարչապետին զանգահարել իրեն հիվանդանոցից: Ռուսաստանի վարչապետի պարտականությունները Միշուստինի հիվանդության ժամանակահատվածում կատարում է վարչապետի առաջին տեղակալ Անդրեյ Բելոուսովը:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
Ով ինչպես է սիրում Հայաստանը
94 տարեկանում մահացել է սպարապետ Վազգեն Սարգսյանի հայրը
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...