Կորոնավիրուսի դեմ պատվաստանյութ ստեղծելու դեպքում այն պետք է տարածվի ամբողջ աշխարհում

Ֆրանցիսկոս պապը կիրակի օրը միջազգային գիտական համագործակցությանը կոչ է արել հայտնագործել կորոնավիրուսի դեմ պատվաստանյութ և հաջողության դեպքում այն հասանելի դարձնել ամբողջ աշխարհին, հայտնում է Reuters գործակալությունը:

Պապը կորոնավիրուսային սահմանափակումների պատճառով իր կիրակնօրյա ուղերձը հղել է պապական գրադարանից Սուրբ Պետրոսի հրապարակի փոխարեն:

Նա խրախուսել է միջազգային համագործակցությանը՝ հաղթահարելու ճգնաժամը և պայքարելու վիրուսի դեմ, որով վարակել է գրեթե 3,5 միլիոն մարդ և որը սպանել է ավելի քան 240 000 մարդու ամբողջ աշխարհում:

«Իրականում կարևոր է միավորել գիտական հնարավորությունները՝ թափանցիկ և անկողմնակալ կերպով գտնելու պատվաստանյութեր և բուժումներ», – ասել է նա:

Ֆրանցիսկոսն ասել է, որ կարևոր է նաև «երաշխավորել համընդհանուր հասանելիությունը հիմնական տեխնոլոգիաներին, որոնք հնարավորություն կտա վարակված յուրաքանչյուր անձի աշխարհի յուրաքանչյուր մասում ստանալ անհրաժեշտ բուժօգնություն»:

Այս թեմայով Հռոմի Պապը պաշտպանել է ԱՄՆ-ի և Իրանի միջև խաղաղության համաձայնագիրը Աստված մերժում է «արյունով թաթախված ձեռքեր» ունեցողների աղոթքները․ Հռոմի պապը՝ պատերազմ մղող առաջնորդներին Կայացել է Հռոմի Պապ Լևոն XIV-ի գահակալության արարողությունը Հռոմի Սրբազան Քահանայապետ է ընտրվել ամերիկացի կարդինալ Ռոբերտ Ֆրենսիս Պրևոն Հռոմի պապ Ֆրանցիսկոսը կենդանության օրոք դեմ է արտահայտվել զենք կուտակելուն