Իլոն Մասկը կորոնավիրուսի պատճառով ներդրված լայնածավալ սահմանափակումները «ֆաշիստական» է անվանել

Tesla Inc-ի գործադիր տնօրեն Իլոն Մասկը կորոնավիրուսի պատճառով ներդրված զանգվածային սահմանափակումները «ֆաշիստական» է անվանել, փոխանցում է Reuters-ը:

Ընկերության բաժնետոմսերն աճել են 8.8 տոկոսով եւ 871 դոլար են կազմել: Tesla-ի եկամտաբեր եռամսյակը սկսվել է ընդամենը մեկ օր առաջ այն բանից հետո, երբ մրցակից Ford Motor Co-ն հայտնեց 2 միլիարդ դոլար վնասի մասին առաջին եռամսյակում եւ ընթացիկ եռամսյակում եւս 5 միլիարդ դոլարի վնաս է կանխատեսում: General Motors Co-ն երկուշաբթի դադարեցրեց շահաբաժինների եւ բաժնետոմսերի գնումը եւ շահույթի մասին կհաղորդի մայիսի 6-ին:

Եթե Tesla-ն կարողանա սահմանափակել իր կորուստները եւ գերազանցել հնացած ավտոարտադրողներին, ապա այն ավելի լավ դիրքում կլինի` կորոնավիրուսի բռնկումից թուլացած մրցակիցների վաճառքների բաժինը վերցնելու համար:

Մասկն ասել է, որ չգիտի, թե Tesla-ն երբ կկարողանա վերսկսել արտադրությունը Կալիֆորնիայում, եւ «տանը մնալու» հրահանգը «լուրջ ռիսկ» է անվանել բիզնեսի համար: «Ասել, որ մարդիկ չեն կարող դուրս գալ տնից եւ նրանք կձերբակալվեն, եթե անեն դա, ֆաշիզմ է: Դա ժողովրդավարական չէ, դա ազատություն չէ: Վերադարձրեք մարդկանց իրենց անիծյալ ազատությունը»,- հայտարարել է նա:

Մասկը մարտի 6-ին գրառում էր կատարել իր թվիթերյան միկրոբլոգում այն մասին, որ «կորոնավիրուսի պատճառով խուճապը հիմարություն է», սակայն հետագայում առաջարկել էր անվճար ՏԱՇ սարքեր տրամադրել հիվանդանոցներին:

Tesla-ն հայտարարել է, որ չի կարող կանխատեսել, թե որքան արագ կբարելավվեն մեքենաների արտադրությունը եւ մատակարարման գլոբալ շղթաները` հայտարարելով, որ կվերանայի տարեկան կանխատեսումը զուտ շահույթի եւ դրամական միջոցների հոսքի վերաբերյալ, երբ երեք ամիս անց կհայտնի ընթացիկ եռամսյակի արդյունքների մասին Մասկն ասել է, որ մինչ մյուս ավտոարտադրողները կրճատում էին, Telsa-ն մեծացնում էր ներդրումները:

Հունվարին Tesla-ն հայտարարել էր, որ դրական եռամսյակային դրամական հոսքեր եւ դրական զուտ եկամուտներ է ակնկալում ապագայում: