Բոլոր դեպքերում քաղաքական գործիչը պետք է հանդուրժող լինի, քանի որ մենք ապրում ենք իրավական պետությունում

Բոլոր դեպքերում քաղաքական գործիչը պետք է հանդուրժող լինի, քանի որ մենք ապրում ենք իրավական պետությունում:

Արի ու տես, որ մեր քաղաքական գործիչները հանդուրժող են հատկապես օտարների ու «կիրթ» թշնամիների նկատմամբ, իսկ միմյանց նկատմամբ գոյություն ունի հավասարակշռվածության և հանդուրժողականության դեֆիցիտ:
«Ինչպես նշում է Մարդու իրավունքների եվրոպական դատարանն իր բազմաթիվ որոշումներում, քաղաքական գործիչներն ու պաշտոնյաները պետք է առավել հանդուրժող լինեն իրենց հասցեին հնչող նույնիսկ վիրավորանք պարունակող հրապարակումների և հատկապես քննադատության նկատմամբ, որը որոշ դեպքերում կարող է լինել ցնցող, անհանգստացնող: Բայց իրենք պետք է հանդուրժող վերաբերմունք դրսևորեն՝ հաշվի առնելով հասարակությունում իրենց ստանձնած պաշտոնը, դիրքը, առաքելությունը, այն, որ տնօրինում են վարչական ռեսուրսների»:
Քաղաքական գործիչներն անխուսափելիորեն և գիտակցաբար իրենց հասանելի են դարձնում արված յուրաքանչյուր խոսքի և գործի նկատմամբ հանրության լայն խավերի ընդգծված ուշադրությունը, քաղաքական գործչի նկատմամբ ընդունելի քննադատության սահմաններն ավելի լայն են դրա համար նրանք պարտավոր են հանդուրժողականության ավելի բարձր աստիճան դրսևորել (Lingens v.Austria, գանգատ թիվ 9815/82， 8-ը հուլիսի 1986 թվական)։

Հ.Գ. Խոսքս ուղղում եմ քաղաքական գործիչներին. Եղեք հանդուրժող և փորձեք Ձեր կողմից սևերի և սպիտակների բաժանված հասարակությանը միավորել մեկ գաղափարի շուրջ:

Հ.Գ.Գ Պահանջում եմ իշխանություններից իրականացնել օբյեկտիվ և թափանցիկ քննություն: Որպես դրա գրավական հրապարակել դեպքի տեսագրությունները, որոնք, ըստ իմ տվյալների, արդեն իսկ առգրավվել են ոստիկանության կողմից:

Արթուր Թովմասյանի ֆեյսբուքյան էջից