ԱՄՆ Միսուրի նահանգը դատական հայց է ներկայացրել Չինաստանի դեմ
Միսսուրին դարձել է առաջին նահանգը ԱՄՆ-ում, որը դատական հայց է ներկայացրեց Չինաստանի դեմ կորոնավիրուսի համավարակի կապակցությամբ, հայտնում է Fox News- ը:
Նահանգի իշխանությունները Չինաստանի կառավարությանը մեղադրում են կորոնավիրուսի համավարակի բարդության աստիճանի մասին ապատեղեկատվություն տրամադրելու մեջ եւ փոխհատուցում են պահանջում «կյանքի հրեշավոր կորուստների, մարդկային տառապանքների եւ տնտեսական ճգնաժամի» համար, որոնց հանգեցրել է COVID-19-ի բռնկումը:
Իր ձայնը նահանգին է միացրել նաեւ Միսուրիի գլխավոր դատախազ Էրիկ Շմիտը:
«Վերջին շաբաթների ընթացքում պարզ է դառնում Չինաստանի կառավարության կողմից խաբեությունը, փաստերի աղավաղումը եւ քողարկումը, ինչպես նաեւ ամբողջ աշխարհը ողողած նենգ վիրուսի ծագումը: Փաստն այն է, որ Չինաստանի կառավարությունն աղավաղել է տեղեկություններն այն մասին, որ իրենք գիտեին վիրուսի` մարդուց մարդու փոխանցվելու մասին... նրանք պատժել են արտահոսքի համար եւ թաքցրել են ապացույցները բացահայտողներից, եւ հետևանքները սարսափելի են»,- ասել է նահանգի գլխավոր դատախազը:
Նա ընդգծել է, որ տեղի ունեցողի համար պատասխանատվություն է կրում Չինաստանը:
Ավելի վաղ նահանգի իշխանությունները Fox News-ին հայտնել էին, որ Միսուրիում հաստատվել է նոր տեսակի կորոնավիրուսային վարակի 5.963 դեպք, մահացել է 215 մարդ:
Ալյասկայում Ուկրաինայի վերաբերյալ համաձայնություն չի եղել. Ռուբիո
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Նպատակը՝ տրանսֆերային արժեքը հնարավորինս նվազեցնելն է
ՀՀ վարչապետ Նիկոլ Փաշինյանի ճեպազրույցը ուղիղ
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Կուսակիցները փակ հանդիպմանը կոշտ քննադատության են ենթարկել Թրամփին
Փարիզում քննարկվել են Հայաստանի և ՅՈՒՆԵՍԿՕ-ի մշակութային համագործակցության հեռանկարները