Ստո՞ւմ են, թե սխալ հաշվում. տարօրինակ կորոնավիրուս

Կորոնավիրուսի հայրենիք Չինաստանում, որտեղ ապրում է ավելի քան 1 միլիրադ 400 միլիոն մարդ, վարակվեց ընդամենը 82 հազար 16 մարդ: Ավելին, Չինաստանի իշխանությունները պաշտոնապես հայտարարեցին, որ իրենք հաղթել են վիրուսին, եւ որ այնտեղ այլեւս վարակումներ չկան:

Ռուսաստանի բնակչությունը 9,6 անգամ փոքր է Չինաստանից, բայց այնտեղ վարակակիր է 21 հազար 102 մարդ: Ընդ որում, այս թիվն աճում է: Չինաստանում բնակչության խտությունն անհամեմատ մեծ է, քան Ռուսաստանում: 

Տարօրինակ է, որ այս թվերը որեւէ մեկին չեն զարմացնում: Պաշտոնական տեղեկություններն ընդունում են հալած յուղի տեղ եւ անցնում առաջ: Որեւէ մեկն այդպես էլ չի բացատրում, թե ինչպես կարող է կորոնավիրուսի հայրենիքում, այդքան շատ եւ խիտ բնակչություն ունեցող երկրում վարակակիրների թիվը լինի 82 հազար, իսկ Ռուսաստանում՝ 21 հազար:

Տրամաբանությունը հուշում է, որ Ռուսաստանում վարակակիրների թիվը չպետք է գերազանցի 8,5 հազարը, բայց գերազանցել է: Որեւէ մեկը չի հարցնում, թե ինչու Իսպանիայում կամ Իտալիայում այդքան շատ վարակակիր կա, երբ այդ երկրների բնակչությունն ավելի քիչ է քան Չինաստանինը եւ նույնիսկ Ռուսաստանինը:

Ոչ իտալացիներն են հակահիգիենիկ պայմաններում ապրում, ոչ էլ իսպանացիները: Կեղտի մեջ չեն ապրում նաեւ ֆրանսիացիները: Իսկ կորոնավիրուսային թվերը միայն հարցեր են առաջացնում:

Պատահական չէ, որ մարդիկ սկսել են բողոքի ինքնատիպ ակցիաներ անցկացնել: Հակառակ իշխանությունների կոչերին, հակառակ հրապարակվող թվերին ավելի շատ մարդիկ են դուրս գալիս փողոց եւ Իսպանիայում, եւ Իտալիայում, անգամ Ռուսաստանում:

Շվեդիան արտակարգ դրություն չսահմանեց, կարանտին չմտցրեց: Այնտեղ պաշտոնական տվյալներով վարակված է ընդամենը 10 հազար մարդ: Ստացվում է, որ շվեդները ճիշտ էին: Նրանց մոտ եւ հիվանդներն են քիչ եւ տնտեսությունն էլ չտուժեց:

Հայաստանի պաշտոնական թվերն ավելի են համոզում, որ կորոնավիրուսային հաշվարկները դուրս են եկել վերահսկողությունից: Այսպես, պաշտոնական տվյալներով Հայաստանում կորոնավիրուսով վարակվել է 1067 մարդ, մահացել 16-ը: 

Եթե հետեւենք տրամաբանությանը, ապա կամ Հայաստանում պետք է լիներ ընդամենը 117 վարակակիր, կամ Չինաստանում այդ թիվը պետք է լիներ ոչ թե 82 հազար, այլ ավելի քան 700 հազար:

Մի տարօրինակ թիվ եւս Հոնգ Կոնգում, չինական Հոնգ Կոնգում կորոնավիրուսով վարակվել է ընդամենը 1010 մարդ մահացել չորսը: Թե որքան շատ է Հոնգ Կոնգի բնակչությունը Հայաստանի համապատասխան ցուցանիշից, հայտնի է անգամ դպրոցական ցածր դասարանների աշակերտներին:

Հիմա ստացվում է, որ կորոնավիրուսային թվերն իրականությանը չեն համապատասխանում: Կամ ստում են կամ չեն կարողանում հաշվել:

Վարդան Մխիթարյան

Top-News.am