Թող մեր բարեկամությունը լինի ավելի բարձր, քան Արարատ լեռը. Ի՞նչ է գրված Չինաստանից եկող օգնության արկղերի վրա

Թող մեր բարեկամությունը լինի ավելի բարձր, քան Արարատ լեռը և ավելի երկար, քան Յանցզի գետը։ Այս նախադասությունն է գրված Չինաստանից Հայաստան եկող օգնության արկղերի վրա։

Նշենք, որ այսօր ավելի վաղ ՀՀ փոխվարչապետ, պարեն Տիգրան Ավինյանը Facebook-ի իր էջում գրել էր։

«Ժամեր անց Երեւանում վայրէջք կկատարի պարետատան նախաձեռնած հատուկ չվերթով Չինաստանից Հայաստան տեղափոխվող ՀՀ պետական միջոցների հաշվին ձեռքբերված, Չինաստանի պետական մարմինների, ինչպես նաեւ հայ եւ չինացի բարերարների կողմից նվիրաբերած բժշկական պարագաների եւ սարքավորումների խմբաքանակը»:

Նրա հրապարակած լուսանկարներից մեկում էլ երևում են արկղերը, որոնց վրա անգլերեն գրված է բարեկամության բարեմաղթանքը։

Ավինյանը նաև մանրամասնել էր.

120 հատ թոքերի արհեստական օդափոխման սարքեր,

2 թթվածնի մատակարարման կայան,

60 000 հատ թեստ,

60 000 հատ բժշկական դիմակ,

280 000 հատ պաշտպանիչ դիմակ,

20 000 հատ պաշտպանիչ ակնոցներ,

100 000 հատ պաշտպանիչ արտահագուստ, ինչպես նաեւ դեղամիջոցներ:

Տվյալ չվերթով Հայաստան են ժամանելու նաեւ օրեր շարունակ Չինաստանում Հայաստանի դեսպանությունում բնակվող ՀՀ երկու քաղաքացիներ, ովքեր անցնելու են 14-օրյա կարանտինային ռեժիմ:

Շնորհակալություն ենք հայտնում Չինաստանի կառավարությանը՝ թռիչքի իրականացմանն աջակցելու համար, ինչպես նաեւ գործընթացում ներգրավված գերատեսչություններին:

Առանձնահատուկ շնորհակալություն թռիչքը իրականացրած օդաչուներին եւ Չինաստանում ՀՀ դեսպանությանը»:

Այս թեմայով Հայաստանի բնակչության 3 տոկոսը կորոնավիրուսի դեմ կպատվաստվի AstraZeneca-ի պատվաստանյութով Հայաստանում գրանցվել է կորոնավիրուսի 392 նոր դեպք Կորոնավիրուսով վարակման 374 նոր դեպք մեկ օրում Չգիտենք՝ մեր հարազատին ենք հուղարկավորել, թե ոչ․ ինչից են բողոքում COVID-19-ից մահացածների հարազատները (տեսանյութ) «Ես հասկացա, որ ոտքերիս տակ դրված տոպրակում իմ եղբայրն է, որին պետք է ճանաչեմ». Անահիտ Հարությունյան (տեսանյութ)