3,6 միլիոն ֆրանսիացիներ կորոնավիրուսի պատճառով զրկվել են աշխատանքից․ RFI

Ավելի քան 337 000 ֆրանսիական ձեռնարկություններ պետությունից փոխհատուցում են խնդրել ժամանակավոր գործազրկության ընթացքում իրենց 3,6 մլն աշխատակիցների համար, որոնք առանց աշխատանքի են մնացել կորոնավիրուսի պատճառով։ Այս մասին ապրիլի 1-ին հայտնել է Ֆրանսիայի աշխատանքի նախարար Մյուրել Պենիկոն, հայտնում է RFI-ը։

Փոխհատուցում խնդրող 337 000 ընկերությունների մեծ մասը փոքր բիզնեսի ներկայացուցիչներ են։ Աշխատանքի նախարարությունում կարծիք կա, որ ժամանակավոր գործազրկության բյուջետային ծախսերը երեք ամսում կարող են 11 մլրդ եվրո արժենալ։

Կարանտինային միջոցառումների պատճառով շատ ֆրանսիական ձեռնարկություններ ստիպված են մասամբ կամ ամբողջովին դադարեցնել աշխատանքը։ Կառավարությունը հուսով է այդ կերպ խուսափել ազատումներից եւ ելք պատրաստել տնտեսական ճգնաժամից։

Ժամանակավոր գործազրկության պայմաններում Ֆրանսիայում ստանում են աշխատավարձի 84 տոկոսը կամ 100 տոկոսը՝ եթե նվազագույն աշխատավարձ են ստանում։ Պետությունն իր վրա է վերցրել ձեռնարկություններին այդ վճարները փոխհատուցելու պարտվորությունը։