Տղամարդն աղջկա հետ ծանոթանալու անսովոր տարբերակ է մտածել ինքնամեկուսացման ժամանակ

Ամերիկյան Նյու Յորք քաղաքում բնակվող լուսանկարիչն ինքնամեկուսացման ժամանակ  հարեւանուհու հետ ծանոթանալու համար անսովոր տարբերակ է մշակել: Այս մասին հաղորդում է Metro-ն: 

28-ամյա Ջոն Կոենը լուսանկարում էր դատարկված Նյու Յորքը, երբ հարեւան տան տանիքում նկատեց պարող աղջկա: Նա աղջկան է ուղարկել անօդաչու սարք, որը նամակ է տարել աղջկան: Նամակում Ջոնն աղջկան առաջարկել է ծանոթանալ եւ գրել է իր հեռախոսահամարը: Շուտով աղջիկը նրան պատասխանեց SMS հաղորդագրությամբ. «Ողջույն, սա տանիքի աղջիկն է»:

Ամերիկացին նախապատրաստել է ժամադրություն՝ տարածության վրա: Նա իր պատշգամբում փոքրիկ սեղան է տեղադրել եւ խնդրել է, որ նույնն անի նաեւ աղջկա հարեւանը: Զույգը կապվել է տեսակապով եւ շատ շուտ ընդհանուր լեզու է գտել: Դրանից հետո Կոենն աղջկան իսկական ժամադրության է հրավիրել: Որպեսզի չխախտի անվտանգության կանոնները, նա ժամադրության է գնացել թափանցիկ փուչիկի մեջ: 

Որպես իսկական ջենթլմեն, Կոենն աղջկա համար ծաղկեփունջ է տարել եւ ախտահանիչ նյութ: Սակայն փուչիկի պատճառով չի կարողացել փոխանցել նվերները: «Մեզ համար դժվար էր զբոսնելը, սակայն մենք անդադար ծիծաղում էինք»,- պատմել է նա: Լուսանկարիչը յուրաքանչյուր ժամադրությունը տեսանկարահանել է եւ տեղադրել TikTok-ում: Տեսանյութերը ճանաչում են բերել Կոենին:

«Հույս ունեմ, որ մենք կրկին կհանդիպենք, սակայն երրորդ ժամադրության մասին դեռ չենք պայմանավորվել»,- խոստովանել է Կոեենը:  

Տեսանյութը՝ այստեղ

Top-News.am