Շվեյցարական հյուրանոցն առաջարկում է շքեղ կարանտինային բնակարաններ

Շվեյցարական Le Bijou Hotel & Resort հյուրանոցային ցանցը կորոնավիրուսի պատճառով կարանտինի մեջ գտնվող իր հարուստ այցելուներին առաջարկում է օգտվել Covid-19 Service նոր ծառայությունից, գրում է Bloomberg-ը:

Ըստ հաղորդման՝ ցանցի ղեկավարությունը համագործակցում է մասնավոր բժշկական ծառայության հետ և պատրաստ է ապահովել հյուրերի հարմարավետ կենսապայմանները, այդ թվում՝ սննդի առաքում, բժշկական ծառայություններ, ինչպես նաև կորոնավիրուսային վարակի թեստի անցկացում։

Շքեղ բնակարաններ կարելի է վարձակալել Ցյուրիխում, Ցուգում և Լուցերնում։
Բնակարանները և համարները մեկ օրվա համար արժեն 200-ից 800 շվեյցարական ֆրանկ (205-823 դոլար)։

Le Bijou Hotel & Resort-ը առաջարկում է նման 42 էլիտար սենյակ։ Նշվում է, որ սենյակների կեսն արդեն վարձակալվել է։