ԱՄՆ-ի հոգեբանները խորդհուրդ չեն տալիս թոշակառուներին դադարել աշխատել
Տարեց մարդիկ, հատկապես կանայք, որոնք թոշակի անցնելուց հետո հրաժարվել են իրենց համար սովորական առօրյա ակտիվությունից, շատ արագ են կորցնում կոգնիտիվ ունակությունները։ Ինչպես գրում է Psychology and Aging պարբերականը, այսպիսի եզրահանգման են եկել Ամերիկյան հոգեբանական ասոցիացիայի փորձագետները, որոնք խորհուրդ չեն տալիս թոշակառուներին դադարել աշխատել, հայտնում է Planet- today-ը։
«Կոգնիտիվ ունակությունների վատացումը ծեր հասակում տեղի է ունենում զգալիորեն ավելի արագ, եթե տարեց մարդը թոշակի անցնելուց հետո հրաժարվում է աշխատանքից եւ իր համար սովորական ակտիվությունից։ Անհրաժեշտ է, որ նրանք իրենց առջեւ բարդ առաջադրանքներ դնեն, չդադարեն զբաղվել ինքնազարգացմամբ եւ չնվազեցնեն սոցիալական ակտիվությունը, որպեսզի նորմալ մակարդակի վրա պահեն իրենց բանականությունը»,- ասում են ամերիկյան հոգեբանները։
Ավելի քան 7000 մարդկանց հարցումները ցույց են տվել, որ տարեց մարդիկ, որոնք թոշակի անցնելուց հետո սահմանափակել են իրենց առօրյա ակտիվությունը, կոգնիտիվ գործառույթներն ավելի շատ են կորցրել, քան նրանց այն հասակակիցները, որոնք շարունակել են աշխատել թոշակի տարիքում։ Դա վերաբերում է առաջին հերթին կանանց, որոնք, ինչպես ցույց է տվել հետազոտությունը, ավելի հակված են թոշակի անցնելուց հետո հրաժարվել մտավոր եւ սոցիալական ակտիվությունից։
«Թոշակառուներն ունեն մտավոր եւ սոցիալական ակտիվությունը պահպանելու բազմաթիվ միջոցներ, սակայն ամենակարեւորը, իհարկե, մոտիվացումն է, որը հաճախ կորչում է ծերանալուն զուգընթաց։ Նախաձեռնության եւ մոտիվացիայի բացակայությունը կարող է հանգեցնել ծայրահեղ վտանգավոր հետեւանքների»,- նշել է գիտական աշխատանքի հեղինակ Ջերեմի Համը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները