Ես ունեմ 2 դպրոցական երեխա եւ պատրաստ եմ նրանց ուղարկել դպրոց․ նախարարը՝ կորոնավիրուսի մասին

Միլան-Երևան չվերթները չեղարկելու կարիք այսօրվա դրությամբ չկա։ Այս մասին այսօր՝ մարտի 1-ին, Հայաստանում կորոնավիրուսի հայտնաբերման առաջին դեպքի առնչությամբ հրավիրված ասուլիսի ժամանակ ասաց առողջապահության նախարար Արսեն Թորոսյանը։

«Մեր գործընկերները Իտալիայի առողջապահական եւ դիվանագիտական ոլորտում ինֆորմացիա են տրամադրել և ցույց են տվել, որ դեպքերը շատ լոկալ են և այդ ինֆորմացիայով ցույց են տալիս, որ մեծ քաղաքներում նույնիսկ եթե դեպքերը շատ են, դա շատ փոքր տարածքում է լոկալիզացված, եւ չվերթները չեղարկելու կարիք այսօրվա դրությամբ չկա, սակայն որոշումների կայացման պրոցեսը մի քիչ անսովոր իրավիճակում ամենօրյա է, այսինքն հնարավոր է, որ վաղը կայացվի մեկ այլ որոշում, այդ թվում՝ ոչ միայն Իտալիայի կամ որեւէ այլ երկրի հետ կապված, այլ նաև դա վերաբերում է ներհայաստանյան որոշումներին, հանրային միջոցառումներին, դպրոցների, մանկապարտեզների եւ այլ հանրային հաստատությունների աշխատանքին։ Մեր համար կարեւորը հանրային առողջությունն է ամեն դեպքում եւ ամեն ինչ բխելու են դրանից, բայց ամեն որոշում պետք է լինի փաստարկված, ապացուցված եւ ոչ թե պահանջված»,-նշեց նա:

Նախարարն ուսհաստատությունները փակելու առնչությամբ ասաց․ «Ես ունեմ երկու դպրոցական երեխա եւ պատրաստ եմ նրանց ուղարկել դպրոց, որովհետեւ չեմ համարում հանրային առողջապահական վտանգը բարձր, որ անհրաժեշտություն լինի դպրոցական երեխաների տեղաշարժը սահմանափակել՝ հատկապես հաշվի առնելով,որ դպրոցական երեխաները պրակտիկորեն որեւէ խնդիր չունեն այս վիրուսի հետ, այսինքն՝ նույնիսկ շատ հազվադեպ դեպքեր են նկարագրվել, որ կարող է վիրուսը նրանց վրա ծանր ազդի, բայց նորից եմ ասում՝ որոշումները կայացվում են իմ ասած շրջանակներում, մենք դեռ առիթ չենք ունեցել Կառավարությունում քննարկել այդ հարցը, բայց օրվա ընթացքում կհասցնենք և կտեղեկացնենք»,-ասաց նա։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը