«ԱՅՈ»-ի նախընտրական շտաբի ղեկավարը նորից խոսեց իր կենսագրության հետ կապված տեղեկատվության «արտահոսքի» մասին
Երկու տարի առաջ ինձ հրավիրել էին Հատուկ քննչական ծառայություն պետական ծառայողի վերաբերյալ տվյալների մասին գաղտնի տեղեկատվության արտահոսքի գործով տուժածի կարգավիճակում: Այս մասին փետրվարի 26-ին լրագրողների հետ հանդիպման ժամանակ ասաց ՀՀ տարածքային կառավարման եւ ենթակառուցվածքների նախարար, «ԱՅՈ»-ի նախընտրական շտաբի ղեկավար Սուրեն Պապիկյանը:
Ըստ նրա` պետք է պարզել, թե ինչպես կարող է իրավապահ մարմինների տրամադրության տակ եղած տեղեկատվությունը հայտնվել մամուլում: «Որեւէ մեկից արտահոսքը, լինի դա պաշտոնատար անձ, կամ որեւէ մեկը, նա պետք է պատժվի: Խոսքը ոչ թե այն մասին է, որ Պապիկյանի մասին գաղտնի տեղեկություններ են հրապարակվել, այլ, ընդհանուր առմամբ, երևույթի մասին է, որը սերտորեն կապված է անվտանգության խնդրի հետ», - ասաց նա:
Հիշեցնենք, որ ՀՔԾ-ում քրեական գործ է հարուցվել մամուլում տարածքային կառավարման եւ ենթակառուցվածքների նախարար Սուրեն Պապիկյանի անձնական տեղեկությունների արտահոսքի փաստով: Խոսքը վարչապետ Նիկոլ Փաշինյանի մերձավոր համախոհի կողմից բանակում ոչ կանոնակարգային հարաբերությունների պատճառով դատվածության փաստը թաքցնելու վերաբերյալ հրապարակումների մասին է: Ավելին՝ Պապիկյանը, փորձելով արդարանալ, խոստովանել է, որ զինծառայություն է անցել ոչ թե Հայաստանի Զինված ուժերում, ինչպես նշված է նրա կենսագրականում, այլ Ռուսաստանի, եւ միջադեպը պատճառաբանել է իր ազգային արժանապատվության ոտնահարմամբ: Մի շարք իրավապաշտպաններ եւ փաստաբաններ հիշեցրել են, որ Սուրեն Պապիկյանի կենսագրությունը իր պետական կարգավիճակի լույսի ներքո չի կարող պարունակել հրապարակման ոչ ենթակա փաստեր:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...