«Սկզբից ասաց այո, հետո փախավ». Էրդողանը` Հաֆթարի մասին
Թուրքիայի նախագահ Ռեջեփ Թայիփ Էրդողանը երկրում իշխող, իր գլխավորած «Արդարություն և զարգացում» կուսակցության նիստի ժամանակ անդրադարձել է Ռուսաստանում Լիբիայի ազգային բանակի և Ազգային համաձայնության կառավարության տապալված բանակցություններին, ինչի հետևանքով ազգային բանակի հրամանատար, ֆելդմարշալ Խալիֆա Հաֆթարը լքել է Մոսկվան` առանց հրադադարի համաձայնագիր կնքելու Ազգային համաձայնության կառավարության հետ: Այս մասին տեղեկացնում է թուրքական NTV հեռուստաընկերության կայքը:
«Մենք Սիրիայում, Լիբիայում և Միջերկրական ծովում արկածներ չենք փնտրում: Մենք կայսերական նկրտումներ չունենք, և մեր աչքերը չեն կուրանում նավթի և փողի ագահությունից: Սակայն մենք չենք կարող անտարբեր լինել Լիբիայում ապրողների նկատմամբ»,- նշել է թուրք առաջնորդը:
Էրդողանը վերհիշել է, որ Լիբիան ժամանակին եղել է Օսմանյան կայսրության կարևոր մաս, և Թուրքիան խորը պատմական և սոցիալական կապեր ունի Լիբիայի հետ:
«Այդ երկրում մենք եղբայրներ ունենք: Հաֆթարը ցանկանում է նրանց էլ վերացնել: Մեր պարտքն է պաշտպանել նրանց: Մենք հասկանում ենք մեր պատասխանատվությունը Լիբիայի մեր բոլոր եղբայրների առաջ: Երեկ Մոսկվայում Տրիպոլիի կառավարությունը կառուցողական մոտեցում ցուցաբերեց: Սակայն Հաֆթարը հրաժարվեց ստորագրել հրադադարի մասին համաձայնագիրը: Նա ասաց` այո, հետո գնաց Մոսկվայից, փախավ»,- նշել է Թուրքիայի նախագահը:
Ըստ Էրդողանի` Հաֆթարն իր քայլով «ցույց տվեց իր իրական դեմքը», և իրենք զարմացած չեն տեղի ունեցածից:
Հունվարի 13-ին լիբիական ազգային բանակի հրամանատար Խալիֆա Հաֆթարը և Լիբիայի ներկայացուցիչների պալատի խոսնակ Աքիլա Սալեհ Իսան լքել են Մոսկվան` առանց հրադադարի մասին համաձայնագիր ստորագրելու Ֆաիզ Սարաջի գլխավորած Լիբիայի ազգային համաձայնության կառավարության հետ:
Հիշեցնենք, որ Լիբիայում երկիշխանություն է տիրում՝ արևելքում իշխում է ընտրված խորհրդարանը, իսկ Տրիպոլիում, այսինքն՝ արևմուտքում՝ ՄԱԿ-ի և ԵՄ-ի աջակցությամբ կազմավորված կառավարությունը: Արևելյան հատվածի իշխանությունները գործում են Տրիպոլիից անկախ և համագործակցում են Լիբիական ազգային բանակի հետ:
Հաֆթարն ու լիբիական խորհրդարանի խոսնակը լքել են Մոսկվան` առանց համաձայնագիր ստորագրելու
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
ՀՀ ԱԺ ութերորդ գումարման տասնմեկերորդ նստաշրջանի հերթական նիստ