Ամերիկացիներն ու նրանց վարձկանները կվճարեն ահաբեկչական հանցագործության հետեւանքների համար. Վելայաթի

Իրանի գերագույն առաջնորդի գլխավոր խորհրդական Ալի Աքբար Վելայաթին Միացյալ Նահանգներին զգուշացրել է Իսլամական հեղափոխության պահապանների կորպուսի (ԻՀՊԿ) «Կուդս» հատուկ ստորաբաժանման հրամանատար, գեներալ Ղասեմ Սոլեյմանիի սպանության հետեւանքների մասին, տեղեկացնում է Mehr-ը։

«Գեներալ Ղասեմ Սոլեյմանիի նահատակությունը, որին մենք պարտական ենք մեր հաղթանակների մեծ մասով, նոր կյանք կտա Դիմադրության ճակատին»,- ասել է Վելայաթին։ «Ամերիկացիները եւ նրանց վարձկանները կվճարեն այդ ահաբեկչական հանցագործության հետեւանքների համար»,- ավելացրել է նա։

Նրա խոսքով՝ տարածաշրջանի երկրների աջակցությամբ «Դիմադրության առանցքը» վրեժ կլուծի գեներալ Սոլեյմանիի սպանության համար։

Գեներալ Սոլեյմանին ահաբեկչության դեմ պայքարի գլխավոր դեմքերից էր վերջին մի քանի տարիներին Իրաքում եւ Սիրիայում։

Իրանի պաշտոնատար անձինք, ադ թվում գերագույն առաջնորդը, երդվել է վրեժ լուծել ԱՄՆ-ից նրա սպանության համար։

Այս թեմայով Իրանի նախագահ. Թույլ չենք տա օտարերկրացիներին պառակտում սերմանել Իրանը և եվրոպական եռյակի երկրներն ավարտել են միջուկային խնդրի շուրջ բանակցությունների հերթական փուլը Իրանի նախագահը Հայաստան կայցելի օգոստոսի 18-21-ը Մենք չենք ընդունի սահմանների որևէ փոփոխություն. Աբաս Արաղչի Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի