Ղասեմ Սուլեյմանիի սպանությունից հետո Իսրայելում շտապ խորհրդակցություն են անցկացրել

Իսրայելի պաշտպանության նախարարը Թել Ավիվում հրավիրել է ռազմական եւ անվտանգության կառույցների ղեկավարների խորհրդակցություն ԱՄՆ ավիահարվածից հետո, ինչի հետեւանքով զոհվել է իրանցի ազդեցիկ գեներալ-մայոր Ղասեմ Սուլեյմանին, տեղեկացնում է Reuters-ը։

Իսրայելական բանակի ռադիոն տեղեկացրել է, որ երկրի ԶՈւ-ն բերվել է բարձր մարտական պատրաստվածության վիճակի այն մտահոգության համապատկերին, որ Իրանը կարող է հարված հասցնել իր տարածաշրջանային դաշնակիցների միջոցով Սուլեյմանիի սպանությունից հետո։

Իսրայելի վարչապետ Բենիամին Նեթանյահուի Հունաստան այցելության առնչությամբ պաշտպանության նախարար Նաֆթալի Բենեթը ուրբաթ առավոտյան հավաքել է ավագ հրամանատարներին «իրավիճակային գնահատականի» համար, ասել են նախարարության ներկայացուցիչները։

Իսրայելցի զինվորականների պաշտոնական ներկայացուցիչ Ավիչայ Ադրեյը Թվիթերում գրել է, որ Հերմոն լեռան լեռնադահուկային հանգստավայրը, որը գտնվում է Իսրայելի զավթած Գոլանի բարձունքներում, Սիրիայի հետ ամրացված սահմանից ոչ հեռու, փակվել է «իրավիճակի գնահատումից հետո»։

Իսրայելական լրատվամիջոցները տեղեկացրել են, որ նախարարներին խնդրել են հրապարակավ չմեկնաբանել Սուլեյմանիի սպանությունը։

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում