Էստոնիայում ռուսաստանցուն հինգ տարով ազատազրկել են լրտեսության համար

Էստոնիայում դատարանը Ռուսաստանի քաղաքացի Արտեմ Զինչենկոյին հինգ տարվա ազատազրկման է դատապարտել ռուսական հատուկ ծառայությունների հետ համագործակցելու համար, հայտնում է Meduza կայքը։

Զինչենկոն Էստոնիայում է բնակվել 2013-ից սկսած։ Էստոնական դատարանի տվյալներով՝ 2009-ից նրան հավաքագրել էր Ռուսաստանի գլխավոր հետախուզական վարչությունը ու վերջին չորս տարիներին նա զբաղվել է Էստոնիայում զինվորականների տեղաշարժի ու պետական կարեւորության օբյեկտների մասին տեղեկություններ հավաքելով։

Այն մասին, որ Էստոնիայի հատուկ ծառայությունները ձերբակալել են Ռուսաստանի ԳՀՎ աշխատակցին, հայտնի էր դարձել 2017-ի ապրիլին, բայց նրա անունը այն ժամանակ չէին հայտնել։ Ընդ որում ձերբակալությոնը տեղի էր ունեցել 2017-ի հունվարի սկզբին։

NEWS.am