Ուրալում էգ թութակը վրեժ է լուծում բոլոր կանանցից՝ իրեն ընկերոջից բաժանած տիրուհու պատճառով
Եկատերինբուրգի կոնտակտային կենդանաբանական այգում հայտնվել է կնատյաց կակադու։ Շպիլկա անունով էգ թութակը ագրեսիվ է վերաբերվում բոլոր կանանց՝ կրծում է նրանց մատները, հարձակվում է նրանց վրա եւ կատաղի ձայներ է արձակում, երբ նրանք մոտենում են վանդակին։ Տղամարդկանց նկատմամբ նա շատ սիրալիր է. երբ նրանք մոտենում են իր վանդակին, նրանց հետ նա նույնիսկ պարում է երաժշտության տակ եւ թույլ է տալիս, որ իրեն շոյեն։
Այգու աշխատակիցները նույնիսկ ցուցանակ են կախել նրա վանդակի վրա. «Կանայք, մատները ներս չմտցնել»։ Երբ կրծոտված կանանց քանակը գերազանցել է մի քանի տասնյակը, կենդանաբանական այգու աշխատակիցները որոշել են պարզել, թե որն է կանանց նկատմամբ թութակի այսչափ ատելության պատճառը։
Թութակի նախորդ տերը պատմել է նրա սիրո ողբերգական պատմությունը։ Պարզվում է, նման վարքի պատճառը թռչունի խորը հոգեկան ցնցումն է. նախկինում նա ապրել է վանդակում իր զուգընկերոջ հետ՝ Խաբարովսկում, ամուսնական զույգի բնակարանում։ Մի քանի տարվա համատեղ կյանքից հետո ամուսինները բաժանվում են, եւ կինը, ամուսնուն լքելիս, իր հետ է տանում Շպիլկայի «ամուսնուն»։ Դրանից հետո էգ կակադուն ընկնում է խորը ընկճախտի մեջ. պոկոտում է իր փետուրները եւ սկսում է հարձակվել տանտիրոջը հյուր եկող բոլոր կանանց վրա։
Կես տարի առաջ, կոտրված սրտով փետրավոր «կնոջը» տեղափոխել են Եկատերինբուրգի կոնտակտային կենդանաբանական այգի։ Այստեղ նա կամաց–կամաց սկսել է վերականգնվել, փետուրները նորից աճել են, սակայն կանանց նկատմամբ ատելությունը մնացել է մինչ օրս։
–Սկզբում նա սիրաշահելով դեպի իրեն է բերում նրանց, իբր ուզում է, որ իրեն շոյեն, իսկ երբ կանայք ձեռքը մտցնում են վանդակի մեջ, Շպիլկան ամբողջ ուժով հարձակվում եւ կրծում է մատը,– պատմում է այգու աշխատակիցը։ Երբ նույն բանը տղամարդն է անում, նա շատ ուրախ եւ գոհ է լինում։ Նա նույնիսկ պարում է տղամարդկանց հետ։
Այգու աշխատակիցներն այժմ թութակի համար զուգընկեր են փնտրում, ով կսփոփի նրան եւ մոռանալ կտա հին «վերքերը»։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Ուկրաինան հարվածել է Ռուսաստանի վերջին խոշոր նավթավերամշակման գործարանին
«Ուժեղ Հայաստան»-ը կվերցնի մանդատները և կգնա Ազգային ժողով
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Վահան Հովհաննիսյանը ինքնաբացարկի դիմում է ներկայացրել ԿԸՀ և դուրս է գալիս «Ուժեղ Հայաստան» դաշինքի ց...
Խուզարկություն է իրականացվում Գագիկ Ծառուկյանի առանձնատանը
Վարչապետն աշխատանքային այցով մեկնել է Ռուսաստանի Դաշնություն