Ինդոնեզիայում փրկել են երկու տարի արկղի մեջ անցկացրած օրանգուտանին

Ինդոնեզիայում Կենդանիների փրկության միջազգային կազմակերպության կամավորներն ու անտառային վարչության պաշտոնյաները փրկել են Կոտապ մականունով օրանգուտանին։ Այս մասին հաղորդում է «ՌԻԱ Նովոստի»-ն՝ վկայակոչելով The Daily Mail-ին։

Ինդոնեզիայի Արեւմտյան Կալիմանտան նահանգի բնակիչը կապիկին ձեռք է բերել երկու տարի առաջ։ Սակայն շուտով նա անհանգստացել է, թե օրանգուտանը կանհանգստացնի հարեւաններին, ուստի նրան տեղադրել է մի մեծ արկղում։

Կոտապին նա կերակրել է հացով, բրնձով եւ արագ պատրաստման լափշայով։ Երբ կապիկի կենսապայմանների մասին իմացել են անտառային վարչության աշխատակիցները, սեփականատիրոջը խնդրել են տալ իրենց կենդանուն։ Ոչ միանգամից, բայց նա համաձայնել է։

news.am