Մերկելի ու Պուտինի հանդիպումը երկուսին էլ ոչինչ չտվեց
«Ռուսաստանի նախագահն ու Գերմանիայի կանցլերը անընդհատ նայում են դեպի առաջ, քանի որ այդպես նրանք ստիպված չեն լինի իրար նայել։ Սոչիում համատեղ մամուլի ասուլիսի ժամանակ երկուսն էլ խուսափում էին հայացքներով հանդիպելուց, չնայած կողք կողքի էին կանգնած»,- գրում է Ռոբին Ալեքսանդրը գերմանական Die Welt թերթում։
«Չնայած հայտնի քաղաքական բարդություններին ու տնտեսական գլոբալ տատանումներին՝ Գերմանիան մեր երկրի առաջատար արտաքին տնտեսական գործընկերն է»,- նշել էր Պուտինը մամուլի համար իր հայտարարության սկզբում։ Քաղաքական բարդությունները, ըստ նրա, բացառապես Մերկելն է առաջացնում, չէ՞ որ առանց նրա հակառուսական պատժամիջոցներ չէին ձեռնարկվի։ Մերկելը, ըստ պարբերականի, չի ուզում համակերպվել Ռուսաստանի կողմից միջազգային իրավունքի խախտումներին, ու ԵՄ-ին էլ է համոզել հետեւել իր օրինակին։
Բայց Պուտինն այդ խախտումների մասին այլ կարծիք ունի՝ նրա խոսքով երեք տարի առաջ ուկրաինացի ազգայնականները Օդեսայում հրկիզել են անմեղ ու անպաշտպան մարդկանց։ «Համաշխարհային համայնքը իրավունք չունի մոռանալ այդ բարբարոսության մասին»,- ասել է Պուտինը՝ դրանով իսկ ողբերգության համար պատասխանատվության մի մաս ը գցելով Մերկելի ուսերին, գրում է հոդվածագիրը։
Բայց Մերկելն էլ է Պուտինի ցավոտ տեղերին հարվածել։ Մասնավորապես ասել է, որ բաց հասարակության համար կարեւոր են ՀԿ-ները։ Ընդ որում կանցլերը հոյապապ գիտի, որ Ռուսաստանի իշխանությունները խոչընդոտում են դրանց աշխատանքին։ Մերկելը նաեւ ուշադրություն է հրավիրել հանրահավաքների իրավունքին ու «Չեչնիայում գեյերի հետապնդումներին» նաեւ «Եհովայի վկաներ» կազմակերպության նկատմամբ հետապնդումների թեմային։
Արդյունքում Պուտինի հետ երեք ժամ անցկացնելու համար Մերկելը 7․5 ժամ է անցկացրել օդանավում։
Մերկելը չէր ուզում , որ իր այդ այցելությունը պաշտոնական այցելության նմանվի՝ բոլոր հանդիսություններով ու արարողակարգով, քանի դեռ Պուտինը պատերազմում է Ուկրաինայում։
Մինի- այցելությունն այդ առումով փոխզիջումային տարբերակ էր Մոսկվայում ընդունելության ու հանդիպումների բացակայության միջեւ։ Ընդ որում վերջին տարբերակը նույնպես Մերկելին ձեռնտու չէր, քանի որ նրա ընդդիմախոսները հաճախ են Արեւմուտքին քննադատում Պուտինի հետ բավարար չափով չշփվելու համար։
Ինչեւէ, հավելում է թերթը, այն պատկերացումները, որ Մերկելը քիչ է խոսում Պուտինի հետ, իրականում անհեթեթություն են՝ ուկրաինական ճգնաժամի սկսվելուց հետո երկու քաղաքական գործիչները ավելի քան 50 հեռախոսազրույց են ունեցել։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Ուկրաինան հարվածել է Ռուսաստանի վերջին խոշոր նավթավերամշակման գործարանին
«Ուժեղ Հայաստան»-ը կվերցնի մանդատները և կգնա Ազգային ժողով
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Վահան Հովհաննիսյանը ինքնաբացարկի դիմում է ներկայացրել ԿԸՀ և դուրս է գալիս «Ուժեղ Հայաստան» դաշինքի ց...
Խուզարկություն է իրականացվում Գագիկ Ծառուկյանի առանձնատանը
Վարչապետն աշխատանքային այցով մեկնել է Ռուսաստանի Դաշնություն