Բրիտանիան հրաժարվել է 100 մլրդ եվրո վճարել ԵՄ–ից դուրս գալու համար

Մեծ Բրիտանիան 100 մլրդ եվրո չի վճարի «Brexit»–ի համար։ «Reuters»–ի փոխանցմամբ՝ նման հայտարարություն է արել ԵՄ–ից թագավորության դուրս գալու հարցով նախարար Դևիդ Դևիսը։

«Մենք պետք է մանրակրկիտ կերպով քննարկենք՝ որոնք են մեր իրավունքներն ու պարտականությունները»,–ասել է նախարարը՝ հավելելով, որ բրիտանական կառավարությունը դեռևս Բրյուսելից տեղեկատվություն չի ստացել այն մասին, թե հատկապես ինչ գումար պիտի վճարի ԵՄ–ից դուրս գալու համար։
Ավելի վաղ «The Financial Times»–ը գրել էր, որ Գերմանիան ու Ֆրանսիան են պարտադրում 100 մլրդ եվրո վճարել։ Եվրահանձնաժողովի ղեկավար Ժան Քլոդ Յունքերը Լոնդոնից պահանջում է 50 մլրդ ֆունտ ստեռլինգ վճարել, Ավստրիայի կանցլեր Քրիստիան Քերնն էլ՝ 60 մլրդ՝ Բրիտանիայի ստանձնած երկարաժամկետ ֆինանսական պարտավորություններից ելնելով։
Մինչդեռ Մեծ Բրիտանիան ի վիճակի է վճարել ոչ ավելի, քան 3 մլրդ։
7or.am