ԱՄՆ-ի խոշորագույն նավթավերամշակման գործարանն ամբողջությամբ պատկանում է Սաուդյան Արաբիային

Սաուդյան Արաբիայի Aramco պետական ընկերությունը ձեռք է բերել ԱՄՆ Տեխաս նահանգում գործող Port Arthur խոշորագույն նավթավերամշակման գործարանի բաժնետոմսերի 100 տոկոս վերահսկիչ փաթեթը:

Ինչպես հայտնում է CNN-ը, թագավորության նավթային հսկայի և ամերիկյան կողմի միջև գործարքի կնքման մասին առաջին անգամ հայտնի էր դարձել անցյալ տարի:

Port Arthur-ը համարվում է նավթավերամշակման ոլորտի խոշորագույն ընկերությունը Հյուսիսային Ամերիկայում, որը կարող է օրական 600 000 բարել նավթ մշակել:

Aramco-ին նախկինում պատկանում էր ամերիկյան գործարանի բաժնետոմսերի 50 տոկոսը: Մյուս մասը պատկանում էր Royal Dutch Shell բրիտանա-հոլանդական ընկերությանը, որը վաճառել է իր մասնաբաժինը:

Սաուդյան ընկերությունը բացառիկ իրավունք է ստանում նաև վաճառելու Shell ապրանքանիշի բենզինն ու դիզելային վառելիքը ԱՄՆ մի շարք նահանգներում:

tert.am