ՀԴԲ-ի աշխատակցուհին ամուսնացել է ԻՊ գրոհայինի հետ

ՀԴԲ-ի աշխատակցուհին, ում հանձնարարվել էր մասնակցել Իսլամական պետության գրոհայինի նկատմամբ հետաքննությանը, մեկնել է Սիրիա ու ամուսնացել ահաբեկչի հետ, հաղորդում է CNN-ը:

Հաղորդվում է, որ թարգմանչուհի Դանիելա Գրինը ղեկավարությանը ստել է, թե ուր է մտադիր մեկնել եւ նախազգուշացրել է իր ամուսնուն՝ Դենիս Կասպերտին, հետաքննության մասին: Գրինը Կասպերտի հետ ամուսնացել է 2014 թավականին, բայց այդ մասին լրատվամիջոցներին հիմա է հայտնի դարձել:

Հեռուստաալիքի տվյալներով՝ մի քանի շաբաթ անց Գրինը խոստովանել է, որ սխալ է թույլ տվել եւ վերադարձել է ԱՄՆ, որտեղ նրան կանալանավորել են եւ դատապարտել երկու տարվա ազատազրկման: Անցած տարի ամռանը նա ազատ է արձակվել:

2015 թվականին CNN-ը հաղորդել էր, որ 39-ամյա Կասպերտը ոչնչացվել է Սիրիայում հրթիռակոծման ժամանակ: Ավելի վաղ Պետքարտուղարությունը Կասպերտին ներառել էր առանձնահատուկ վտանգավոր ահաբեկիչների թվում: Գերմանացի նախկին ռեփորը ԻՊ-ին միացել էր 2012-ին եւ մի քանի անգամ հայտնվել էր ԻՊ տեսանյութերում, իսկ մի անգամ՝ ձեռքին կտրած գլխով:

NEWS.am