Օլիվեր Սթոունը Պուտինի մասին ֆիլմ է պատրաստում

Ամերիկացի կինոռեժիսոր և սցենարիստ Օլիվեր Սթոունը Ռուսաստանի նախագահ Վլադիմիր Պուտինի մասին ֆիլմ է նկարահանում։ «ՌԻԱ Նովոստի»-ն տեղեկացնում է, որ այս մասին նա հայտնել է Sydney Morning Herald-ին տված հարցազրույցում:

Ֆիլմում Պուտինը կպատմի, թե ինչ կարծիք ունի 2000 թվականից ի վեր երկրում տեղի ունեցող իրադարձությունների մասին, երբ առաջին անգամ ընտրվեց Ռուսաստանի նախագահ:
«Պարոն Պուտինն աշխարհի ամենակարևոր առաջնորդներից է, և քանի որ ԱՄՆ-ն նրան թշնամի է հայտարարել, ընդ որում՝ հզոր թշնամի, ես կարծում եմ՝ կարևոր է նաև նրա կարծիքը լսել»,-ասել է Սթոունը՝ հավելելով, որ ֆիլմը ոչ այնքան վավերագրական է, որքան հարց ու պատասխանի ձևաչափով զրույց:
Նկարահանող խումբը երկու տարվա ընթացքում չորս անգամ հանդիպել է Պուտինի հետ:
«Ֆիլմը բացահայտում է այն աշխարհայացքը, որին մենք՝ ամերիկացիներս, ծանոթ չենք»,-ասել է ռեժիսորը:
7or.am