Գերմանիան դեմքն ամբողջովին ծածկող հագուստն արգելող օրինագիծ է ընդունել

Գերմանական Բունդեստագը հավանություն է տվել դեմքն ամբողջովին ծածկող հագուստն արգելող օրինագծին, որը վերաբերում է քաղծառայողներին, դատավորներին և զինվորականներին, հայտնում է Reuters լրատվական գործակալությունը:

«Ինտեգրացիան, բացի ամեն ինչից, նաև նշանակում է, որ մենք պետք է հստակ ներկայացնենք մեր արժեքներն ու ցույց տանք, թե որտեղ են հատվում ուրիշ մշակույթների հանդեպ մեր հանդուրժողականության սահմանները», - հայտարարել է Գերմանիայի Ներքին գործերի նախարար Թոմաս դը Մեզյերը, - «Օրինագիծը, որը մենք հավանության արժանացրինք, մեծ ներդրում է ունենալու այս գործում»:

Հիշեցնենք, որ անցյալ տարվա դեկտեմբերին նման արգելք սահմանելու կոչ էր արել անձամբ երկրի կանցլեր Անգելա Մերկելը:

tert.am