Երեւանում մեկնարկել է երթն ի պաշտպանություն Ամուլսարի (Ուղիղ)

Երեւանում մեկնարկել է մեծ քայլերթը, որը տեղի կունենա 3 ուղղություններով եւ կավարտվի Ազատության հրապարակում:

Ջերմուկից ժամանած ակտիվիստները հավաքվել են Երեւանի Սուրբ Գրիգոր Լուսավորիչ եկեղեցու դիմաց եւ այդտեղից կմիանան երթին:

Նշենք, որ Ջերմուկից եկած ակտիվիստները կոչ են անում բոլորին միանալ այսօրվա քայլերթին, նաեւ հայտարարում են, որ իրենց պայքարը քաղաքական չէ, եւ այն ժամանակ, երբ Կառավարությունը հօգուտ Ամուլսարի որոշում կկայացնի, իրենք կդադարեցնեն պայքարը:

«Ամուլսարն առանց հանքի» նախաձեռնությունը քայլերթը կազմակերպել է հետեւյալ ուղղություններով:

1. Երթուղի 1` Սկզբնակետը՝ Զորավար Անդրանիկի Արձանի առաջ՝ Տիգրան Մեծ փողոց, Հանրապետության Հրապարակ, Աբովյան Փողոց, Հյուսիսային Պողոտա, Ազատության Հրապարակ:

2. Երթուղի-2 Սկզբնակետը՝ Բաղրամյան Մետրոյի հարակից տարածք, Բաղրամյան փողոց, Ֆրանսիական հրապարակ, Սայաթ-Նովա փողոց, Ազատության Հրապարակ:

3. Երթուղի-3 Սկզբնակետը՝ Քաղաքապետարանի հարակից տարածք, Գ. Լուսավորիչ փողոց, Մաշտոցի պողոտա, Ազատության Հրապարակ:

Ակցիայի մասնակիցները վանկարկում են «Ամուլսարն առանց հանքի», «Ամուլսար-միայն սար» եւ «Միացեք»: