Ադրբեջանում ուրախ են Հայաստանի կատարած հակառուսական քայլերից

Մենք ենթադրել էինք, որ ոչ անհայտ Դանիել Իոնիսյանի սկանդալային գրառումն աննկատ չի մնա Ադրբեջանում: Եւ ահա, ադրբեջանական լրատվամիջոցները մեծ ոգեուրությամբ արձանագրում են, որ Հայաստանում սկսվել է հակառուսական արշավի հերթական փուլը:

Իհարկե, ադրբեջանական մամուլը խտացնում է գույները եւ պատկերը մատուցում այնպես, կարծես թե, հայաստանցիների գերակշիռ մասն ատում է Ռուսաստանն ու ռուսաստանյան իշխանություններին, բայց դրանից խնդրի էությունը չի փոխվում:

Բաքվում մանրամասնորեն անդրադառնալով Իոնիսյանի գրառմանը Պուտինի մասին, շեշտում են, թե հայ-ռուսաստանյան հարաբերությունները ավելի ու ավելի են վատթարանում:

Ադրբեջանական մամուլը գրում է, թե հակառուսական հերթական արշավի առիթ այս անգամ ծառայեց Պուտինը շնորհավորանքը Ռոբերտ Քոչարյանին ծննդյան օրվա կապակցությամբ: 

Ի դեպ, ադրբեջանցիները հաճույքով եւ գորովանքով նշում են, որ հենց Իոնիսյանն է Արցախում դիտորդական առաքելություն իրականացնելու, ընդ որում, հենց Փաշինյանի կառավարության հատկացրած գումարներով:

Ադրբեջանում շատ լավ հասկանում են, թե ինչի վրա պետք է դնեն շեշտերը եւ մեր որ վրիպումներից կարող են օգուտ քաղել: Ադրբեջանում չեն էլ թաքցնում, որ հիացած են Փաշինյանի թիմի գործողություններով:

Հակոբ Ասատրյան

Top-News.am