Իվանկա Թրամփ․ ներդրումներ պետք է անել կանանց մեջ
ՀԲ-ի ու ԱՄՀ-ի Գարնանային հանդիպումների ժամանակ, որոնք անցել են անցած շաբաթ Վաշինգտոնում, կենտրոնական թեման այն հարցն էր, թե ինչպես կարելի է նպաստել կայուն ու համընդգրկուն տնտեսական աճին։ Մինչ համաաշխարհային առաջնորդները ձգտում են վերականգնել համաշխարհային տնտեսությունը, թերագնահատված է մնում աճի ու կայունության բանաձեւի կարեւոր տարրը՝ խոսքը կանանց տնտեսական հնարավորությունների ընդլայման մասին է, այս մասին գրում են ԱՄՆ նախագահի դուստրը ու ՀԲ խմբի նախագահը Financial Times–ում։
Կանանց միայն 55 տոկոսն է ներառված աշխարհի վճարվող աշխատուժի մեջ, իսկ մնացածը շարունակում են մնալ աճի չգործածվող աղբյուր։ Դա անգնահատելի ու հավաստի եկամտաբեր ակտիվ է, սակայն մենք չենք ներդնում ռեսուրսներ, որպեսզի բացահայտենք կանանց ամբողջ ներուժը։ Կան համոզիչ ապացույցներ, որ եթե նպաստենք կանանց տնտեսական գործունեությանը, դա հսկայական եկամուտ կբերի ընտանիքներին, հասարակությանն ու ընդհանուր տնտեսությանը։ Գենդերային անդունդների վերացումը արդյունավետ կլինի թե մակրոտնտեսական, թե առանձին ընկերությունների մակարդակով։ Հետազոտությունները ցույց են տալիս, որ կառավարման մեջ ներառված կանանց քանակի ու կորպորատիվ եկամուտների միջեւ ուղիղ կապ կա։
Բացի դրանից կայանք հակված են իրենց եկամուտների մեծ մասը հատկացնել սննդամթերքին, առողջապահությանն ու կրթությանը՝ կարճ ասած անել այն, ինչից շահում են նրանց երեխաները ու հետեւաբար ՝հետագա սերունդները։
Գենդերային համաշխարհային խզման մասին 2016-ի զեկույցում ասվում է, որ սեռերի միջեւ տնտեսական հավասարություն հնարավոր կլինի ապահովել 170 տարվա ընթացքում։ Դա անընդունելի է։
Գլոբալ տեսակետից կին ձեռներեցներին ավելի շատ դուրս են մղում օրենսդրական դրույթները, որոնք սահմանափակում են կանանց տնտեսական հնարավորությունները ։ Դրանք կանանց թույլ չեն տալիս տիրապետել որոշակի մասնագիտությունների, ճամփորդել, ոտնահարում են հող ժառանգելու կամ սեփականատեր լինելու՝ նրանց իրավունքները։
Այս շաբաթ Գերմանիայի կանցլեր Անգելա Մերկելը ընդունում է «Կանացի քսանյակի» գագաթնաժողովը Բեռլինում, ու նա հատուկ ուշադրություն է հատկացնելու կանանց տնտեսական հնարավորությունների ընդլայնմանն աջակցելուն։
Քաղաքական գործիչները, տնտեսագետներն ու գիտնականները համամիտ են այն հարցում, որ գլոբալ տնտեսության աճին նպաստելու ամենաարդյունավետ միջոցներից մեկը բիզնեսում կանանց դերն ընդլայնելն է։
Հիմա մեր խնդիրն է համատեղ աշխատել հասարակական ու մասնավոր սեկտորների հետ, որպեսզի վճռականորեն աջակցենք ամբողջ աշխարհում կանանց դերակատարման բարձրացման գործում ներդրումներին, ասվում է Իվանկա Թրամփի ու ՀԲ խմբի նախագահի հոդվածում։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Սահմանազատում, ԹՐԻՓՓ և բարեփոխումներ. ԱԺ պաշտպանության հանձնաժողովի նախագահը հանդիպել է ՀՀ-ում ԵՄ քա...
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Վահան Հովհաննիսյանը ինքնաբացարկի դիմում է ներկայացրել ԿԸՀ և դուրս է գալիս «Ուժեղ Հայաստան» դաշինքի ց...
Վարչապետն աշխատանքային այցով մեկնել է Ռուսաստանի Դաշնություն