ԱՄՆ-ն կդադարեցնի Հայաստանին USAID-ի գծով ֆինանսական օգնությունը

ԱՄՆ-ն 2018 թվականից 100 տոկոսով կկրճատի մի շարք երկրներին, որոնց թվում է նաև Հայաստանը, Միջազգային զարգացման հարցերով գործակալության՝ USAID-ի գծով ֆինանսական օգնությունը։ Սա նախատեսված է ԱՄՆ նախագահ Դոնալդ Թրամփի նախագահական ծրագրով։ Այս մասին հայտնում է The Foreign Policy-ն՝ հղում անելով Պետդեպարտամենտի բյուջեի նախագծին:

USAID-ի գծով բյուջեի կրճատում կլինի նաև Ադրբեջանի, Վրաստանի, Տաջիկստանի, Ղազախստանի, Ղրղզստանի և Թուրքմենստանի համար:
68,8 տոկոսով էլ կկրճատի Ուկրաինայի ֆինանսական օգնությունը: Իսկ Իրաքի և Սիրիայի համար ֆինանսական օգնության աճ է նախատեսված:
7or.am