Կա քաղաքական որոշում, որ մինչեւ 2020-ի հոկտեմբերը բոլոր պոստերում ջրամատակարարում է լինելու. Արմեն Գրիգորյան

Այս մեկ տարվա ընթացքում նոր զենքեր են ձեռք բերվել, հրապարակային խոսվել է «Սու»-երի մասին, 2019-ի վերջին «Սու»-երն արդեն պատրաստ կլինեն, իսկ 2020-ին արդեն ձեռք կբերենք: Այս մասին այսօր՝ հուլիսի 26-ին, լրագրողների հետ հանդիպման ժամանակ նշեց Հայաստանի անվտանգության քարտուղար Արմեն Գրիգորյանը:

«Դրանից բացի այլ սպառազինություն է ձեռք բերվել, որի մասին եթե անհրաժեշտություն լինի, ՊՆ-ն կխոսի»,-ասաց նա:

Արմեն Գրիգորյանի խոսքով, այս պահին կա քաղաքական որոշում, որ մինչեւ 2020 թվականի հոկտեմբերը բոլոր պոստերում ջրամատակարարում է լինելու. «Դրա համար ֆինանսական հատկացումն ու տեխնիկական մասը կապահովվի»:

Նա նկատեց, որ այս տարի բյուջեում լրացուցիչ 62 մլրդ դրամի եկամուտ է գեներացվել, որի մի մասն ուղղվելու է անվտանգության համակարգի ենթակառուցվածքների զարգացմանը, ինչպես նաեւ զինծառայողների սոցիալ-տնտեսական վիճակի բարելավմանը:

Լուրեր Հայաստանից - NEWS.am
Տպել
13
SHARES