Ահռելի սառցաբեկորը մոտեցել է կանադական քաղաքի ափին (լուսանկարներ)

Կանադական Նյուֆաունդլենդ նահանգի առափնյա քաղաքներից մեկին ահռելի սառցաբեկոր է մոտեցել՝ գրավելով տեղացիների ուշադրությունը:

Ինչպես նշում է The Independent-ը, «ճերմակաթույր հյուրի» հայտնությունը ստիպել է Ֆերիլենդի հետաքրքրասեր բնակիչներին վերցնել ֆոտոխցիկներն ու շտապել դեպի ափ:

Ուշագրավ լուսանկարները, որոնցում ահռելի սառցաբեկորի ֆոնին առափնյա տներն այնքան փոքրիկ են երևում, լայն տարածում են գտել սոցցանցերում:

Ֆերիլենդի քաղաքապետ Էդրիան Կավանախը նշել է, որ այս կողմերով հաճախ են սառցաբեկորներ անցնում, սակայն այս մեկն իր տեսածներից ամենամեծն ու գեղեցիկն է:

Հայտնի է, որ այժմ Ֆերիլենդի ափերին է մոտենում ևս 6 մեծ սառցաբեկոր:

Tert.am