Վտանգավո՞ր է արդյոք ֆեյսբուքում ծերանալը

Ֆեյսբուք սոցիալական ցանցում երեկվանից բազմաթիվ օգտատերեր FaceApp են փորձարկում, որի օգնությամբ ստանում են իրենց լուսանկարները ծեր տարիքում։ Այս գայթակղությանը չեն դիմացել նույնիսկ քաղաքական, հասարակական գործիչներ։

Panorama.am-ը տեղեկատվական անվտանգության փորձագետ Սամվել Մարտիրոսյանից հետաքրքվեց՝ վտանգավո՞ր է արդյոք App-ի փորձարկումը։

«Այո, կարող է առաջացնել նյարդային համակարգի քայքայում»,-կես կատակ-կես լուրջ ասաց Մարտիրոսյանը։

Իսկ ավելի լուրջ, եթե մեծ թվով օգտարերեր մուտքի հնարավորություն են տալիս այդ հավելվածին, ապա տեսականորեն ֆեյսբուքն էլ կարող է խոցելի դառնալ։

«Լուրջ վտանգ չկա։ Մարդիկ պետք է միշտ հիշեն, եթե ֆեյսբուքում մուտք են տալիս մի երրորդ հավելվածի, տեսականորեն դա նշանակում է, որ հնարավոր է որևէ ներազդեցություն այդ հավելվածի կողմից այն դեպքում, երբ դա կոտրեն»,-ասաց Մարտիրոսյանը։

Բաժանորդագրվեք Top-News.am-ին Telegram-ում