Առաջին խաղում Հայաստանի Մ19 հավաքականը պարտվեց խոշոր հաշվով

Երեւանում մեկնարկած ֆուտբոլի մինչեւ 19 տարեկանների Եվրոպայի առաջնության բացման խաղում Հայաստանի հավաքականը խոշոր՝ 4:1 հաշվով պարտվեց Իսպանիայի հավաքականից, թեեւ առաջին խաղակեսի սկզբում հաշիվը հավասար էր:

Իսպանացիներն, իհարկե, անհամեմատ ուժեղ էին, թե անհատական որակներով, թե մարտավարական պատրաստվածությամբ, բայց մեր թիմն առանձնապես վատ տպավորություն չթողեց: Կաքն մի քանի խաղացողներ, որոնք կարող են երեք կամ չճորս տարի հետո հայտնվել արդեն ազգային թիմում:

Դարպասապահը վատը չէր, նույնիսկ լավն էր, բայց պաշտպանները շատ վատ խաղացին: Իսպանիայի հավաքականի ֆուտբոլիստներն առանց լուրջ ջանքեր գործադրելու մեր տուգանային հրապարակում մնում էին առանց վերահսկողության, այն էլ երբ արդեն գնդակով էին:

Պատահական չէ, որ մեր դարպասը խփված գոլերն էլ արձանագրվեցին նման կոպիտ սխալներից հետո:

Մնում է հետեւություններ անել ոչ միայն այս առաջնության, այլ ապագայի համար:

Top-News.am