Արարատ-Արմենիան տանը հաղթեց ԱԻԿ-ն (տեսանյութ)
Սկսկվեց «Արարատ-Արմենիայի» պատմությունը Չեմպիոնների լիգայի որակավորման փուլում: Մեր նորընծա չեմպիոնը մրցաշրջանի ընթացքում կասկածներ չէր թողնում, որ Եվրագավաթներում խաղալու հայտ է ներկայացնում: 2018/19 մրցաշրջանի վերջին խաղում հաղթելով «Բանանցին»՝ «Արարատ-Արմենիան» 1 միավորով շրջանցեց «Փյունիկին» ու պատմության առաջին չեմպիոնության հետ նաև առաջին ՉԼ ուղեգիրը նվաճեց:
Այս թիմի հետ հույսերը մեծ էին: Սակայն դրանք մի փոքր նվազեցին, երբ հայտնի դարձավ մեր թիմի մրցակիցը:
Եվ վերջապես, այսօր՝ հուլիսի 9-ին, Ավանի Ֆուտբոլի ակադեմիայի մարզադաշտում «Արարատ-Արմենիան» հյուրընկալեց «սարսափելի» մրցակից շվեդական ԱԻԿ-ին:
Հանդիպման մեկնարկի ծափերն ու բացականչությունները դեռ չէին դադարել, երբ մեր չեմպիոնը 3-րդ րոպեին 11-մետրանոցի հնարավորություն ստացավ: Չեմպիոնների լիգայում «Արարատ-Արմենիայի» պատմության առաջին գոլը հեղինակեց Պետրոս Ավետիսյանը:
13-րդ րոպեին ԱԻԿ-ը մնաց 10 հոգով. 2-րդ դեղին քարտով խաղադաշտից հեռացվեց շվեդների աջ պաշտպան Ռոբերտ Լունդստրոմը, որն էլ 11-մետրանոցը բերել էր իր թիմի դարպասին:
25-րդ րոպեին նպաստավոր դիրքից դեպի դարպասը հարված կատարեց Գոռ Մալաքյանը, սակայն գնդակը մի փոքր շեղ ընթացավ:
Խաղակեսի միջնամասում ԱԻԿ-ը սկսեց ակտիվանալ: Խաղը տեղափոխվեց Վարդան Մինասյանի թիմի կիսադաշտ:
29-րդ րոպեին Գոռ Մալաքյանի խախտումից հետո մրցակիցն էր վտանգավոր դիրքում ստանդարտի իրավունք ստացել, բայց Աբակումովը կարողացել էր շատ լավ կազմել պատը, հետո էլ ինքը փրկեց մեր թիմին: Չստացված տուգանայինին անմիջապես հետևեց անկյունայինը, որից հետո «Արարատ-Արմենիան» հրաշքով փրկվեց գոլից. գնդակը դիպավ ուղղահայաց դարպասաձողին: Ի դեպ, Մալաքյանը դեղին քարտ ստացավ խախտման համար: Այնուհանդերձ, Եվրագավաթային հարուստ փորձ ունեցող ԱԻԿ-ն ի վերջո կարողացավ գոլ խփել. 39-րդ րոպեին աչքի ընկավ Չինեդու Օբասին:
Առաջին խաղակեսի ավելացված ժամանակում Պետրոս Ավետիսյանը շարունակեց պատմություն կերտել՝ ձևակերպելով դուբլ: «Արարատ-Արմենիան» ընդմիջման գնաց հաղթողի կարգավիճակում:
Ընդմիջմանը «Արարատ-Արմենիայի» կազմում Գոռ Մալաքյանին փոխարինեց Իլյա Անտոնովը:
2-րդ խաղակեսը հիմնականում անցավ հավասար պայքարում: Թիմերն ունեցան մի քանի պահեր, սակայն հաշվի մեջ փոփոխություն չգրանցվեց:
70-րդ րոպեին «Արարատ-Արմենիայի» կազմում վնասվածք ստացավ Պետրոս Ավետիսյանը և չկարողացավ շարունակել խաղը: Նրա փոխարեն խաղադաշտ դուրս եկավ Արմեն Համբարձումյանը:
86-րդ րոպեին «Արարատ-Արմենիան» մոտ էր մրցակցի դարպասը ևս մեկ անգամ ելուն, սակայն հարվածից հետո գնդակը մի փոքր շեղ ընթացավ:
Հանդիպման վերջնամասը չափազանց լարված անցավ: Մեր թիմը մոտ էր թե՛ գոլ խփելու, թե՛ բաց թողնելու:
Մեր դարպասին հերթական վտանգավոր պահից անմիջապես հետո հնչեց մրցավարի սուլիչը: «Արարատ-Արմենիան» լեփ-լեցուն տրիբունայի, բուռն աջակցության պայմաններում անչափ կարևոր հաղթանակ տարավ սեփական հարկի տակ:
Թիմերի միջև պատասխան խաղը կկայանա հուլիսի 17-ին, Ստոկհոլմում:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...