Սերժ Սարգսյանի հետ հաճախ եմ հանդիպում. Արա Բաբլոյան

ԱԺ նախկին նախագահ Արա Բաբլոյանը ՀՀ երրորդ նախագահ Սերժ Սարգսյանի հետ հաճախ է հանդիպում: Այս մասին լրագրողների հետ զրույցում հայտարարեց նա՝ անդրադառնալով հրապարակումներին, թե ՀՀԿ նախկին, ներկա անդամները դադարեցրել են հանդիպումները

«Դժվարանում եմ ասել, թե վերջին հանդիպումը երբ է եղել, բայց Սերժ Սարգսյանի հետ հաճախ եմ հանդիպում»,- ասաց նա: Հարցին՝ շարունակո՞ւմ է մնալ ՀՀԿ անդամ, պատասխանեց. «Ես մնում եմ Արա Բաբլոյան և մնում եմ իմ տեսակետներին»:

Ինչ վերաբերում է դիտարկմանը, թե մեկ տարի է անցել հեղափոխությունից, հիմա կարո՞ղ է ասել, թե ինչու հարյուր հազարավոր քաղաքացիներ մերժեցին իրենց, և արդյոք հետևություններ արել է, Բաբլոյանն ընդգծեց, որ պատասխան է տալիս իր կեցվածքի, պահվածքի համար, հետևություններ անելու կարիք չունի:

Լրագրողները խնդրեցին անդրադառնալ ԱԺ-ի և ԱԺ նախագահի աշխատանքին, սակայն նա միայն նկատեց. «Շատ չեմ հետևում, բայց ոնց որ թե վատ չեն աշխատում»:

Բաժանորդագրվեք Top-News.am-ին Telegram-ում