Ինչո՞ւ չի կարելի հաճախ սնվել սրճարաններում եւ ռեստորաններում
Մարդկանց օրգանիզմում, ովքեր հաճախ են ճաշում սրճարաններում եւ ռեստորաններում, բարձրանում է ֆտալատների մակարդակը. դրանք նյութեր են, որոնք զուգորդվում են պտղաբերության եւ հղիության բարդությունների հետ։ Այս մասին նախազգուշացնում են Ջորջ Վաշինգտոնի համալսարանի եւ Կալիֆոռնիայի համալսարանի (ԱՄՆ) գիտնականները։
Նրանք հարցման են ենթարկել 10 000 մարդու՝ պարզելու համար, թե որտեղ եւ ինչպես են նրանք սնվում, ինչից հետո կամավորները բուժզննում են անցել եւ անալիզներ հանձնել։ Պարզվել է, որ այն մարդկանց մեզի նմուշներում, որոնք օրվա ընթացքում մի քանի անգամ սնվել են սրճարանուն, ռեստորանում եւ այլ հաստատություններում, առկա է եղել ֆտալատների բարձր պարունակություն։ Այդ միացությունների մակարդակը նման մարդկանց մոտ գերազանցել է 35 տոկոսն այն մարդկանց համեմատ, ովքեր սնվել են տանը։
Հետազոտության ամենաերիտասարդ մասնակիցների մոտ, որոնք հիմնականում սնվել են սրճարաններում եւ տնական կերակուր գրեթե չեն օգտագործել, ֆտալատների միջին մակարդակն օրգանիզմում 55 տոկոսով գերազանցել է տանը սնվածների ցուցանիշները։
Գիտնականների խոսքով՝ ֆտալատները թափանցում են սննդի մեջ, իսկ հետո՝ նաեւ մարդու օրգանիզմ պլաստիկից, որն օգտագործվում է փաթեթավորման համար։ Նրանք պնդում են, որ ֆտալատների պարունակությունը կարող է շատ բարձր լինել ինչպես պատրաստի սննդի փաթեթներում, այնպես էլ խոհարարների ձեռնոցներում։
Ֆտալատները հայտնի են նրանով, որ բացասաբար են ազդում կանանց պտղաբերության, վրա, խախտում են էնդոկրին համակարգի աշխատանքը եւ խափանում օրգանիզմի՝ վերարտադրողական հորմոնների մակարդակը կարգավորող ունակությունը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները