11 տարվա ազատազրկումից հետո արդարացված թուրքը 3 դոլար փոխհատուցում է ստացել

11 տարի բանտում անցկացնելուց հետո Թուրքիայի քաղաքացի Հուսեյն Ա․-ն ստացել է ընդամենը երեք դոլար փոխհատուցում այն բանից հետո, երբ դատարանը չեղարկել է նրա դեմ մեղադրանքները, հայտնում է ՌԻԱ Նովոստին։

Տղամարդուն կալանավորել էին 1980-ին ու դատապարտել Dev-Sol ձախ արմատական խմբավորմանն անդամակցելու համար։ 11 տարի ու երկու ամիս բանտում անցկացնելուց հետո նրան արդարացրել են մեղադրանքի 13 կետերով։ Մասնավորապես չեղարկվել են սպանության, սահմանադրական կարգերի բռնի փոփոխության փորձի ու փաստաթղթերի կեղծման մեղադրանքները

Նախկին բանտարկյալը փոխհատուցման մասին հայց է ներկայացրել։ Նա պահանջել է իրեն վճարել 1․2 մլն լիրա՝ մոտ 330 հազար դոլար փոխհատուցում։ Նրան նշանակել են 8․78 մլն լիրա փոխհատուցում։ Սակայն 2005-ին տեղի ունեցած արժույթի դենոմինացիայի պատճառով, երբ թղթադրամներից հանել են վեց զրոները, այդ գումարը փոքրացել է մինչեւ ինը լիրա։

news.am