Ինչպե՞ս են ֆիզիկական ծանրաբեռնվածությունը եւ ճիշտ սնվելն ազդում լյարդի առողջության վրա
Ֆիզիկական ծանրաբեռնվածությունը եւ ճիշտ սնվելը առողջ ապրելակերպի կարեւոր բաղադրիչներ են: Ֆաստֆուդից, քաղցր գազավորված ըմպելիքներից հրաժարումը, ժամանակին սնվելը կարող են օգնել այնպիսի հիվանդության պրոֆիլակտիկայի գործում, ինչպիսին լյարդի ոչ ալկոհոլային ճարպային հիվանդությունն է(NAFLD):
Հունիսի 11-ին մամուլի ասուլիսի ժամանակ Հայաստանի հեպատոլոգիական ասոցիացիայի նախագահ Հասմիկ Ղազինյանը նշեց, որ NAFLD պրոֆիլակտիկայի, ինչպես նաեւ բուժման կարեւոր բաղադրիչներն են ավելորդ քաշի դեմ պայքարը, ճիշտ սնվելը եւ ֆիզիկական ակտիվությունը:
Փորձագետը նշեց, որ Հայաստանում բավականին տարածված պրակտիկա է նախաճաշից հրաժարվելը: Մինչդեռ տվյալ գործոնը մեծացնում է լյարդի ոչ ալկոհոլային ճարպային հիվանդության զարգացման վտանգը:
Ղազինյանը տեղեկացրեց, որ լյարդի առողջության համար անհրաժեշտ է հետեւել սնվելու ճիշտ ռեժիմին: Դա նշանակում է, որ օրական հարկավոր է 3-4 անգամ սնվել, պարտադիր նախաճաշել, ընթրել 19:00-ից ոչ ուշ:
Հարկավոր է սննդակարգում նաեւ նվազեցնել թխվածքների, հացի եւ յուղոտ ուտեստների քանակը:
NAFLD զարգացման վտանգներից է նաեւ ֆաստֆուդի օգտագործումը, ինչպես հայտնի է, այն նպաստում է ավելորդ քաշին:
Բացի այդ ճարպակալումը ուղղակիորեն կապված է դիաբետի եւ զարկերակային բարձր ճնշման հետ, իսկ դա նշանակում է, որ ճարպակալումից տառապող մարդը պետք է նեղ մասնագետի մոտ համալիր կոնսուլտացիա ստանա:
ԵՊԲՀ ինֆեկցիոն հիվանդությունների ամբիոնի դոցենտ Արեգնազ Մխիթարյանն իր հերթին նշեց, որ առողջ սնման սկզբունքները պետք է մանկությունից սերմանվեն:
Նա ուշադրություն դարձրեց այն հանգամաքնին, որ Հայաստանում 30-35 տարեկանից բարձր անձանց թվում վիսցերալ ճարպակալման դեպքերի աճ է նկատվում, ինչը մտահոգություն է առաջացնում:
Բացի այդ հայ երիտասարդների թվում տարածված է քաղցր գազավորված ըմպելիքների սպառումը, որոնցում շաքարի մակարդակը բարձր է:
Մխիթարյանն ընդգծեց, որ լյարդի առողջության վրա բացասաբար են անդրադառնում ոչ կանոնավոր սնվելը, յուղոտ ուտելիքների եւ կենդանական ճարպերի չարաշահումը: Հատուկ ուշադրություն պետք է դարձնել ֆիզիկական ակտիվությանը, քանի որ դրա բացակայությունը անդրադառնում է մարդու առողջության վրա:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները