CONIFA Euro-2019․ Հարավային Օսիան եզրափակիչում հաղթեց Արեւմտյան Հայաստանին

Ֆուտբոլի Հարավային Օսիայի հավաքականը նվաճեց Արցախում ավարտված Եվրոպայի չճանաչված երկրների առաջնության չեմպիոնի կոչումը։

Եզրափակիչում Հարավային Օսիան նվազագույն հաշվով առավելության հասավ Արեւմտյան Հայաստանի հավաքականի նկատմամբ։ Ընդ որում, ավելացված ժամանակում նշանակվեց 11 մետրանոց Հարավային Օսիայի դարպասին, սակայն դարպասապահը սեյվ կատարեց։

Աբխազիան հետխաղյա 11 մետրանոցներով 5։4 հաշվով առավելության հասավ Չամերիայի թիմի նկատմամբ և զբաղեցրեց 3-րդ տեղը։ Հիմնական ժամանակն ավարտվել էր 0։0 հաշվով։