Ռուսաստանն առանց խղճի խայթի հաղթեց Սան Մարինոյին

Ֆուտբոլի Եվրոպայի առաջնության ընտրական փուլի I խմբում Ռուսաստանի հավաքականը Սարանսկում հյուրընկալել էր Սան Մարինոյի հավաքականին:

Ռուսաստանի ընտրանին, մեղմ ասած, անհյուրընկալ գտնվեց հյուրերի՝ գաճաճ երկրի հավաքականի նկատմամբ եւ հաղթեց ոչ ֆուտբոլային՝ 9:0 հաշվով, սահմանելով նոր ռեկորդ ազգային հավաքականի համար: Մինչ այս հաղթանակը Ռուսաստանի ամենախոշոր հաշվով հաղթանակը 7:0-ն էր:

Ռուսաստանի հավաքականի կազմում հինգ գոլ խփեց Ձյուբան, երկու գոլ՝ Սմոլովը, մեկը՝ Կուդրյաշովը, իսկ մեկ անգամ էլ ինքնագոլ գրանցվեց:

Նույն խմբում բելգիացիները քրիստոնեաբար 3:0 հաշվով հաղթեցին Ղազախստանին, իսկ Շոտլանդիան ծանր պայքարում 2:1 հաշվով հաղթեց Կիպրոսին:

Մրցաշարային աղյուսակը հունիսի 9-ի դրությամբ.

1 Բելգիա             3  3  0  0  8 - 1 9
2 Ռուսաստան     3  2  0  1 14 -3  6
3 Շոտլանդիա      3  2  0  1  4 - 4  6
4 Կիպրոս            3  1  0  2  6 - 4  3
5 Ղազախստան   3  1  0  2  3 - 7  3
6 Սան Մարինո    3  0  0  3  0 - 16 0

Top-News.am