Օպերատիվ ծառայող ունենք, որ բացի աշխատավարձից, մեկ ամսում իր 1,6 մլն դրամ պարգեւավճար է ստացել. Օսիպյան
Ծանր, առանձնապես ծանր հանցատեսակներ կան, որոնց բացահայտման դեպքում տրվում է լրացուցիչ, հավելյալ պարգեւավճար: Այս մասին, այսօր՝ հունիսի 5-ին, ԱԺ-ում 2018-ի բյուջեի կատարողականի քննարկման ժամանակ նշեց ՀՀ ոստիկանապետ վալերի Օսիպյանը:
Նրա խոսքով, ոստիկանությունում օպերատիվ ծառայող կա, որ բացի աշխատավարձից, մեկ ամսվա կտրվածքով իր բացահայտումներով վաստակել է 1,6 մլն դրամ. «Դրան գումարվում է մոտ 300 հազար դրամ աշխատավարձը, եւ մոտ 2 մլն դրամ աշխատավարձ է ստացել»,-ասաց Օսիպյանը:
Նա նշեց, որ 8-ժամյա աշխատանքից դուրս աշխատելու համար հավելավճար ոչ բոլորն են ստանում. «Ծառայող կա տուն ես ուղարկում՝ չի գնում: Ինքն իր նախաձեռնությամբ մնում եւ ծառայում է հանուն Հայաստանի Հանրապետության»:
Օսիպյանը համաձայնեց տեսակետին, որ օպերատիվ աշխատակիցների աշխատավարձը բարձրանա. «Բայց մենք մոտիվացրել ենք, բոլոր պայմանները ստեղծել ենք: Եթե օպերատիվ աշխատակիցնը օպերատիվ տեղեկություններ բերի, ես սիրով այդ անձին կպարգեւատրեմ: Ապրիլից այս կողմ արդեն 108 ծառայող այս ձեւաչափով պարգեւատրվել է»,-ասաց ոստիկանապետը՝ հավելելով, որ նույն ծառայողը օրական կարող է մի քանի անգամ պարգեւատրվել, սահմանափակում չկա:
«Անգամ կին ծառայող է եղել, որ հետախուզական տեղեկություն է բերել, խրախուսել ենք»,-ասաց նա:
Երևանում խուլիգանական վարք դրսևորելու կասկածանքով ձերբակալվել է լեհական ակումբի 17 երկրպագու
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Դաշտ են դուրս գալիս ձեւիստները
Բեմ են դուրս գալիս «սոցիոլոգները»
Հենրիխ Մխիթարյան. Երևանի փողոցներից մինչև Չեմպիոնների լիգայի եզրափակիչ. Անկեղծ հարցազրույց (տեսանյու...
Ում դրոշը պետք է երեւա սահմանի այն կողմում
Բալիում սկանդալային պոռնոաստղին սպառնում է մինչև 15 տարվա ազատազրկում
Հայրն իր կյանքի գնով փրկել է խեղդվող որդուն
200.000 դոլար՝ միջնորդության և 23.000 դոլար՝ կառուցապատման թույլտվության համար. Աղազարյանի գործը դատ...
Ովքեր են «դուրս մնալու» ՔՊ ցուցակից