Հրաժարական է տվել Ալաբամայի նահանգապետը սիրուհու պատճառով

Ալաբամա ամերիկյան նահանգի նահանգապետ Ռոբերտ Բենթլին հրաժարական է տվել սկանդալից հետո, երբ պաշտոնական դիրքը ցանկացել է օգտագործել օգնականի հետ սիրային կապը թացքնելու համար:

Հանրապետական կուսակցության անդամ 74-ամյա Բենթլին հրաժարականի դիմումը ներկայացրել է երեկ՝ ապրիլի 10-ին: Մինչ այդ նահանգի կոնգրեսի կողմից նրա իմպիչմենտի վերաբերյալ լսումներ էին ընթանում: Հաղորդում է «Washington Post»-ը:
Քննության ընթացքում պարզվեց, որ նահանգապետը փորձել է թաքցնել սիրային կապը նրա ամուսնացած օգնական Ռեբեկկա Մեյսոնի հետ:
Քննությունը մեկնարկեց այն բանից հետո, երբ Ալաբամայի ոստիկանության բաժնի պետերից մեկը պաշտոնանկությունից հետո հրապարակեց Բենթլիի և Մեյսոնի բավականին անկեղծ հեռախոսազրույցի ձայնագրությունը: Ինչպես հետագայում պարզվեց, ձայնագրությունն արվել էր նահանգապետի նախկին կնոջ կողմից, որից նա ամուսնալուծվել էր 2015 թվականին 50-ամյա ամուսնությունից հետո: Փոխանցում է ՌԻԱ Նովոստին:
Zham.am