Norway Chess․ Լեւոն Արոնյան vs Մագնուս Կարլսեն

Նորվեգիայի Ստավանգեր քաղաքում ընթացող Norway Chess սուպերմրցաշարի երկրորդ տուրում հայկական շախմատի առաջատար Լեւոն Արոնյանը սպիտակներով կխաղա աշխարհի չեմպիոն, համաշխարհային դասակարգման առաջատար, նորվեգացի Մագնուս Կարլսենի հետ։

Երկու գրոսմայստերներն էլ առաջին տուրի դասական պարտիաներն ավարտել էին ոչ ոքի, իսկ կայծակնային խաղի «արմագեդոն» պարտիայում հաղթանակ տարել։

Մրցակարգով դասական պարտիայում հաղթող չունենալու դեպքում, նշանակվում է «արմագեդոն» պարտիա։

Տուրի մեկնարկը Երեւանի ժամանակով 19։00-ին է։