Հարավային Օսիայում նախագահական ընտրություններ են ընթանում

Հարավային Օսիայի նախագահական ընտրություններում բոլոր 77 ընտրատեղամասերը բացվել են տեղական ժամանակով ժամը 8-ին, «ՌԻԱ Նովոստի»-ին հայտնել է ԿԸՀ-ի քարտուղար Քրիստինա Ավլոխովան:

Նախագահի թեկնածու են առաջադրված գործող նախագահ Լեոնիդ Թիբիլովը, խորհրդարանի խոսնակ Անատոլի Բիբիլովը եւ ՊԱԿ աշխատակից Ալան Գագլոեւը: Երեքն էլ հանդես են գալիս Ռուսաստանի հետ հարաբերությունների հետագա խորացման օգտին:

Նախագահական ընտրություններից բացի, Հարավային Օսիայում հանրաքվե է անցկացվում հանրապետությունը Ալանիայի պետություն վերանվանելու հարցով: Այսպիսով, յուրաքանչյուր ընտրող երկու քվեաթերթիկ է ստանում: Ընտրողները նախագահի երեք թեկնածուներին էլ դեմ քվեարկելու իրավունք ունեն:

Ընտրություններին կհետեւեն մոտ 80 արտասահմանյան դիտորդներ, այդ թվում՝ Պետդումայից, Դաշնային խորհրդից եւ ՌԴ ԿԸՀ-ից, Աբխազիայից, չճանաչված Լեռնային Ղարաբաղից եւ Մերձդնեստրի Մոլդովական Հանրապետությունից, ինչպես նաեւ ինքնահռչակ Դոնեցկի եւ Լուգանսկի ժողովրդական հանրապետություններից:

ԿԸՀ-ի տվյալներով՝ գրանցված է 32,736 հազար ընտրող: Ընտրություններին մասնակցության շեմը 50 տոկոս գումարած մեկ ձայն է: Հաղթանակի համար թեկնածուն պետք է ստանա 50 տոկոսից ավելի ձայներ:

news.am