Մխիթարյանին Բաքվում «կփոխարինեն» դիմակները

Մայիսի 29-ին Բաքվի օլիմպիական մարզադաշտում տեղի է ունենալու Եվրոպայի Լիգայի եզրափակիչը: Գավաթի համար պայքարելու են «Արսենալն» ու «Չելսին»:

Հայտնի է, որ դեռևս հարցական է «Արսենալի» կիսապաշտպան Հենրիխ Մխիթարյանի մասնակցությունը այդ խաղին, քանի որ ֆուտբոլիստը սպասում է , որ երաշխավորեն իր անվտանգությունը և, ըստ այդմ, որոշում կայացնի եզրափակչին խաղալ:

Canon Crested-ը առաջարկել է Մխիթարյանի չգնալու պարագայում «Արսենալի» երկրպագուները համախմբվեն և անեն հետևյալ երեք քայլը․

1. պատրաստել Մխիթարյանի պատկերով դիմակ,

2. այդ դիմակները խաղից առաջ բաժանել «Արսենալի» 6000 երկրպագուներին, որոնք գտնվելու են մարզադաշտում եզրափակիչ խաղին,

3. այնպես կազմակերպել, որ բոլոր երկրպագուները 7-րդ և 77-րդ րոպեներին այդ դիմակներով կանգնեն:

Նման կերպ երկրպագուները ցանկանում են ցույց տալ, որ Մխիթարյանը այդ թիմից է՝ անկախ բոլոր հանգամանքներից:

If Arsenal go to the Baku without Mkhitaryan due to political reasons, someone needs to:

1. Create a Mkhitaryan mask
2. Give it to all 6,000 Arsenal fans in the ground
3. Organize for it to be lifted up at the 7th and 77th minute

— CanonCrested (@canoncrested) 16 мая 2019 г.