Թրամփի վարկանիշը Օբամայի ունեցած նվազագույն վարկանիշից ցածր է

ԱՄՆ նախագահ Դոնալդ Թրամփի վարկանիշը ավելի ցածր մակարդակի է, քան ժամանակին ուներ երկրի նախկին նախագահ Բարաք Օբաման։ Ինչպես ցույց է տվել Քուինիփեք համալսարանի հետազոտողների հարցումը, որի արդյունքները երեքշաբթի օրը հրապարակել է CBS հեռուստաընկերությունը, հարցման ենթարկվածների միայն 35 տոկոսն են դրական գնահատում Թրամփի՝ որպես նախագահի աշխատանքը, այնինչ 57 տոկոսն այդ մասին բացասաբար են արտահայտվել, հաղորդում է «ՏԱՍՍ»-ը։

Ըստ հարցման տվյալների՝ Սպիտակ տան ներկայիս տիրոջ վարկանիշը ցածր ՝ 2013-ին Օբամայի վարկանիշի նվազագույն մակարդակից, որը կազմում էր 38 տոկոս։ 2008-ին Ջորջ Բուշ կրտսերին հարցման տվյալներով աջակցում էին ամերիկացիների 28 տոկոսը, սակայն, ինչպես նշում են հեղինակները «նման ցուցանիշի հասնելու համար պահանջվեց 8 տարի, երկու պատերազմ եւ անկայուն տնտեսական դրություն»։

«Թրամփը վատ արդյունքներ է ցուցաբերել կանանց (նրա աշխատանքը հավանության չեն արժանացնում 63 տոկոսը), Դեմոկրատական կուսակցության կողմնակիցների (91 տոկոս) եւ էթնիկ փոքրամասնությունների շրջանում (77 տոկոս)», - ասվում է հետազոտությունում։

Տղամարդկանց շրջանում նրան աջակցում են 39 տոկոսը։ Հարցման մասնակիցների կեսից ավելին (55 տոկոս) կարծում են, որ Թրամփն իրականացնում է իր նախընտրական խոստումները, սակայն ամերիկացիների մեծամասնությունը բացասաբար է գնահատում նրա քայլերը առողջապահության եւ շրջակա միջավայրի պաշտպանության ոլորտում։ Թրամփի արտաքին քաղաքականությունը հանրաճանաչություն չի վայելում ԱՄՆ քաղաքացիների 58 տոկոսի շրջանում։

news.am

Այս թեմայով Թրամփը հայտարարել է Զելենսկիի հետ հանդիպումից հետո Պուտինին զանգահարելու մտադրության մասին Թրամփն անարդար է համարում պահանջը, որ Իրանը բալիստիկ հրթիռներ չունենա Թրամփը փակ ճեպազրույց կանցկացնի հետախուզության հետ Թրամփը Մակրոնի հետ ընթրիքի ժամանակ ստորագրել է ԱՄՆ-ի և Իրանի միջև հուշագիրը Թրամփը հայտարարել է, որ ԱՄՆ-ն Իրանին 300 մլն դոլար չի վճարի