Կոպիտ սխալ է. Սերգեյ Համբարձումյանը՝ Ռոդնինայի անվան գեղասահքի դպրոցը վերանվանելու մասին
Կոպիտ սխալ է։ NEWS.am-ի հետ զրույցում Իրինա Ռոդնինայի անվան գեղասահքի դպրոցի հիմնադիր, «Մոնարխ» ընկերությունների խմբի գլխավոր տնօրեն, բարերար Սերգեյ Համբարձումյանը այսպես արձագանքեց Իրինա Ռոդնինայի անվան գեղասահքի դպրոցը վերանվանելու՝ Երևանի ավագանու որոշմանը։
«Կոպիտ սխալ է, ոչ քաղաքավարի քայլ։ Ի սկզբանե դեմ եմ եղել այդ որոշմանը»,– ասաց Համբարձումյանը։
Նշենք, այսօր՝ մայիսի 8–ին կայացած ավագանու նիստին Երեւանի ավագանին դպրոցի անվանափոխության որոշումն ընդունել է 52 կողմ, 0 դեմ եւ 5 ձեռնպահ ձայներով: Երեւանի Իրինա Ռոդնինայի անվան գեղասահքի մարզադպրոցն անվանափոխվել է «Երեւանի գեղասահքի եւ հոկեյի մարզադպրոց»:
Նման նախաձեռնության պատճառն այն է, որ գեղասահքի եռակի օլիմպիական չեմպիոն, ռուս Իրինա Ռոդնինան փետրվարի 26-ին մասնակցել է Ադրբեջանի մայրաքաղաք Բաքվում տեղի ունեցած հակահայկական երթին։
Ավելի վաղ NEWS.am-ի հետ զրույցում Սերգեյ Համբարձումյանն ասել էր. «Այո, ես կտրականապես դեմ եմ դպրոցի վերանվանմանը: Դպրոցը Երեւանին է նվիրվել արդեն Իրինա Ռոդնինայի անվան շնորհմամբ, եւ սա հայտնի փաստ է: Ռոդնինան, չնայած ինձ համար անընդունելի հայտարարություններին, որ կատարել է Բաքվում, մնում է լենգենդար մարզիկ, եւ ես մտադիր չեմ մոռացության մատնելու նրա վաստակը, բարեկամական հարաբերությունները եւ հայ երեխաներին իր վարպետությունը սովորեցնելու նրա անկեղծ պատրաստակամությունը: Միաժամանակ, ես Իրինա Կոնստանտինովնային փոխանցեցի նյութեր՝ Բաքվում նրա արծարծած պատմական իրադարձությունների վերաբերյալ եւ հույս ունեմ, որ նրան հասցրեցի դրանց մասին ճշմարտությունը»։
Հիշեցնենք, որ գեղասահքի մարզադպրոցը բացվել է 2015 թվականին:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին