Գերմանական իշխանությունների անվստահությունը Գյուլենի հարցում
Մեծ հանելուկները կամ առհասարակ պատասխան չունեն, կամ էլ համեմատաբար հասարակ պատասխան ունեն, գրում է Tagesspiegel –ի տեսաբան Յոսթ Մյուլեր- Նոյհոֆը։ Դա վերաբերում է նաեւ այն սկանդալային ցուցակին, որը թուրքական հատուկ ծառայության ղեկավար Հական Ֆիդանը փոխանցել է գերմանական հետախուզության ղեկավար Բրունո Կալին։ Դրանում նշված են այն կազմակերպություններն ու անհատները, որոնք իբրեւ կապ ունեն Թուրքիայում ահաբեկչական համարվող ՝ Ֆեթուլա Գյուլենի շարժման հետ։
Այդ ցուցակում հիշատակված է նաեւ Միշել Մյունթեֆերինգը, որը խորհրդրաանի անդամ է ու նախկին փոխկանցլեր Ֆրանց Մյունթեֆերինգի կինը։ Այսպիսով հետախուզության ոլորտում նոր սկանդալ է հասունանում՝ թուրքերը լրտեսում են գերմանացի քաղաքական գործիչներին, ասվում է հոդվածում։
Այդ ցուցակը վրդովեցրել է հասարակությանը ու տարակուսանք առաջացրել քաղաքական գործիչների մոտ։ «Հիմա բոլորը փորձում են հասկանալ՝ այդ ցուցակի փոխանցումը միտումնավոր է արվել, թե միամտաբար»,- շարունակում է հեղինակը, հիշեցնելով, որ Կալը ցուցակը փոխանցել էր գերմանական հակահետախուզությանը, որտեղից էլ այն հասել է ոստիկանություն ,որն էլ իր հերթին ցուցակում ընդգրկվածներին տեղեկացրել է հնարավոր լրտեսման մասին ։ Այսպիսով Գյուլենին հետապնդող «Ֆիդանը արջի ծառայություն է մատուցել թուրքական հատուկ ծառայություններին», գրում է Մյուլեր Նոյհոֆը։
Հնարավոր է դա սխալ է եղել, կամ գուցե վրիպակ կամ սադրանք։ Բայց չի կարելի բացառել, որ դա պարզապես սովորական երեւույթ է, գրում է հեղինակը։ «Չէ՞ որ այն օրվանից, ինչ Գյուլենին սկսել են Թուրքիայում պետության թշնամի համարել, գերմանական կառավարությանն անընդհատ նման փաստաթղթեր են փոխանցում։ Դա եղել է նաեւ մինչեւ պետհեղաշրջման փորձը։ Դեռ այն ժամանակ հասկանալի էր, որ Էրդողանը Գյուլենի համակիրներին համարում է բոլոր չարիքների արմատը ու փնտրում է նրանց իր լրտեսների օգնությամբ»։
«Այնպես որ ամենայն հավանականությամբ ոչ թե Թուրքիայի վարքագիծն է փոխվել, այլ դրա նկատմամբ Գերմանիայի վերաբերմունքը։ Բայց ոչ այնպես, ինչպես կցանկանայինք մտածել։ Եթե այն, ինչ անում են թուրքական հատուկ ծառայությունները, իրոք խախտում է օրենքը, այդ դեպքում ինչո՞ւ հակահետախուզության ղեկավար Հանս Գեորդ Մաասենը այդ մասին չի հայտնել դատախազությանը»- հարցնում է հոդվածագիրը ։ Առավել եւս որ Կալը այդ ցուցակը դեռ փետրվարին էր ստացել։
Այս հանելուկի պատասխանը կարող է հետեւյալը լինել՝ թուրքերը արել են ընդամենը այն, ինչը վաղուց են անում՝ այսինքն ուզում են համոզել գերմանական կառավարությանը, որ Գյուլենի շարժումը վտանգավոր է։ Իսկ գերմանական կողմը պարզապես չգիտի, թե ինչպես վերաբերվի այս հարցին։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Սահմանազատում, ԹՐԻՓՓ և բարեփոխումներ. ԱԺ պաշտպանության հանձնաժողովի նախագահը հանդիպել է ՀՀ-ում ԵՄ քա...
Վահան Հովհաննիսյանը ինքնաբացարկի դիմում է ներկայացրել ԿԸՀ և դուրս է գալիս «Ուժեղ Հայաստան» դաշինքի ց...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...