Գիտնականները հակաթույն են հայտնաբերել աշխարհի ամենաթունավոր արարածի խայթոցի դեմ
Ավստրալացի գիտնականներին հաջողվել է հակաթույն հայտնաբերել աշխարհի ամենաթունավոր արարածի խայթոցի համար: Ինչպես ներկայացնում է The Guardian-ը, խոսքն ավստրալական արկղաձև մեդուզայի մասին է, որի թույնը բավական է ավելի քան 60 մարդ սպանելու համար:
Այս ջրային արարածի մեկ խայթոցի հետևանքով առաջանում են սուր ցավեր, մաշկի նեկրոզ և, եթե թույնի չափաբաժինը մեծ է, ապա ընդամենը մի քանի րոպեում հանգեցնում է մահվան։
Հայտնագործությունն արել են Սիդնեյի համալսարանի մասնագետները, որոնք հակաթույն ստանալու համար գենոմի փոփոխություն են կատարել, ինչի արդյունքում հայտնաբերել են «մոլեկուլային հակաթույնը», որն արգելափակում է խայթոցից առաջացող ախտանշանները, եթե հակաթույնը մաշկին տարածվի 15 րոպեի ընթացքում:
Ուսումնասիրության ընթացքում գիտնականները միլիոնավոր մարդկային բջիջներ են ուսումնասիրել և առանձնացրել տարբեր գեներ պարունակողները, որից հետո ավելացրել են մեդուզայի թույնը՝ հասկանալու համար, թե ինչպես է այն ներազդում:
Հակաթույնը, որը վնասակար չէ մարդու օրգանիզմի համար, վերացնում է թույնի ազդեցությունը, կանխում ցավը և բջիջների մահանալը:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Վանաձորի մի շարք հասցեներում գազանջատումներ կլինեն
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Հայաստանում ամառային հանգիստը որքանո՞վ է հասանելի միջին ընտանիքին
Միջին նորոգման ծրագրի շրջանակում գծանշվում է Երևան-Սևան ճանապարհը
Հուլիսը եղել է BYD-ի ամենահաջող ամիսը
Գեղարքունիքի մարզում կասեցվել է գազավորված ըմպելիքների արտադրամասի գործունեությունը․ ՍԱՏՄ