Ո՞ւմ համար են ֆուտբոլ խաղում Հայաստանի առաջնության թիմերը
Ֆուտբոլի Հայաստանի բարձրագույն խմբի առաջնության 30-րդ տուրում կայացավ չեմպիոնի կոչման համար պայքար մղող թիմերից երկուսի՝ առաջատար «Արարատ-Արմենիայի» եւ Երեւանի «Փյունիկի» հանդիպումը:
Հանդիպման նկատմամբ հետաքրքրությունը մեծ էր հայաստանյան առաջնոսւթյունով հետաքրքրվողների շրջանում: Եւ հիմա հարց՝ ո՞ւմ համար են խաղում Հայաստանի առաջնության թիմերը:
Խաղը կայացավ ֆուտբոլի ակադեմիայի մարզադաշտում: Այնտեղ հնարավոր չէ հասնել քաղաքային տրանսպորտով: Այնտեղ հնարավոր է հասնել միայն տաքսով կամ սեփական ավտոմեքենայով, բայց դրա համար էլ ամուր, շատ ամուր նյարդեր է պետք: Բանն այն է, որ Աճառյան փողոցից ձախ թեքվելու համար բավական երկար հերթ է գայանում: Այդ հատվածի համար կարմիրը երկու րոպե է, իսկ կանաչը՝ տասը վայրկյան, որի ընթացքում հազիվ անցնում է երկու կամ երեք ավտոմեքենա:
Պարզ է, որ ոչ բոլոր ֆուտբոլասերներն իրենց կարող են թույլ տալ տաքսի նստել, ոչ բոլորը, հատկապես պատանի ֆուտբոլասերները ավտոմեքենա ունեն, եւ որ ամենակարեւորն է, եթե մարզադաշտ ավտոմեքենաներով գան եւ այն լեցուն լինի ֆուտբոլասերներով, ապա կայանման հարցում լուրջ խնդիրներ են առաջանալու:
Եւս մեկ հարցի մասին: «Արարատ-Արմենիայի», այսպես կոչված, ֆաներն ամբողջ խաղի ընթացքում այդ փոքրիկ մարզադաշտում, որտեղ ձայնի արձագանքը բավական մեծ է, անդադար հարվածում էին հսկա թմբուկներին: Նրանք խաղին չէին հետեւում, նրանք անդադար աղմկում էին եւ հավատացեք այդ աղմուկի տակ ֆուտբոլ նայելը բավական ծանր գործ է:
Կարելի է կանոնակարգել, թե ինչ կարելի է օգտագործել թիմերին աջակցելու ժամանակ եւ ինչ չի կարելի օգտագործել հաշվի առնելով տրիբունաների տարողականությունը եւ արձագանքի ուժը:
Ինչ վերաբերում է հենց խաղին, ապա արդեն առաջին խաղակեսում, որն ավարտվեց գոլազուրկ ոչ ոքի, պարզ էր, որ «Փյունիկի» ֆուտբոլիստները գիտեն ինչ են անում եւ մտածված գործողություններ էին իրականացնում: Պատահական չէ, որ Ալեքսանդր Տարխանովի ղեկավարած թիմը 4:1 հաշվով առավելության հասավ Վարդան Մինասյանի մարզած թիմին եւ միավորներով հավասարվեց նրան:
Ալեքսանդր Տարխանովի սաները հաշվի մեջ առաջ են անցել խաղի 48-րդ րոպեին: Նախ տուգանայինի իրացումից հետո Ուսման Մոհամեդն է գլխի փայլուն հարվածով եզրափակել աջ եզրից հետեւած փոխանցումն ու առաջ մղել իր թիմին, իսկ 3 րոպե անց Արթուր Միրանյանը դարձյալ գլխի հարվածով ավարտին է հասցրել իր թիմի հիանալի կոմբինացիան, որը եւս չէր լինի առանց բարձրակարգ մարզչի առկայության: Այս խաղը պետք է որ մեր ֆեդերացիայի ղեկավարությանը հուշի, թե ինչ կարեւոր է թիմի համար որակյալ եւ բարձրակարգ մարզչի առկայությունը:
Հյուրերի կազմում երրորդ գնդակը հեղինակել է Էրիկ Վարդանյանը: 20-ամյա հարձակվողն աչքի է ընկել չափազանց գեղեցիկ գոլով: Սակայն, երկու րոպե անց «Արարատ-Արմենիայի» օգտին 11-մետրանոց է նշանակվել, որն անվրեպ է իրացրել Անտոն Կոբյալկոն՝ խփելով իր 11-րդ գնդակն ընթացիկ առաջնությունում:
Հանդիպման վերջնահաշիվը ձեւակերպել է Դենիս Տալալայը՝ 87-րդ րոպեին գնդակն ուղարկելով Դմիտրի Աբակումովի պաշտպանած դարպասը՝ 4:1:
Top-News.am
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է